बायकोच्या प्रेमाची ताकद: नुसत्या एका स्पर्शाने मेलेला नवरा झाला जिवंत
सावित्री आणि सत्यवान ही पौराणिक कथा तुम्ही ऐकलीच असेल. सावित्रीनं आपल्या मृत पतीचे प्राण खुद्द यमदेवाकडून परत आणले होते. त्यामुळेच प्रेमात प्रचंड शक्ति असते. प्रेमात पडलेला माणूस अशक्यप्राय गोष्ट देखील शक्य करून दाखवू शकतो असं म्हणतात. अन् याचीच प्रचिती देणारं एक प्रकरण समोर आलं आहे. डॉक्टरांनी ब्रेन डेड घोषित केलेला एक रुग्ण बायकोच्या स्पर्शाने जिवंत झाला. त्याचं हृदय पुन्हा एकदा धडधडू लागलं. हा चमत्कार पाहून खुद्द डॉक्टर देखील हैराण झाले आहेत.
ही चमत्कारीक घटना नॉर्थ कॅरोलियामध्ये घडली आहे. रयान मार्लोला नावाच्या तरुणाला लिस्टेरिया हा आजार झाला होता. या आजारामुळे त्याच्या मेंदूला सूज आली होती. परिणामी उपचारादरम्यान तो कोमामध्ये गेला. डॉक्टरांनी खूप प्रयत्न केले पण तो काही कोमामधून बाहेर येतच नव्हता. अखेर डॉक्टरांनी त्याला ब्रेनडेड घोषित केलं. पण त्याचा मृत्यू झालाय हे बायकोला मान्यच नव्हतं. तिने अक्षरश: रडून रडून आकाशा पाताळ एक केलं. अखेर कुटुंबीयांनी तिला धीर दिला. मग पतीचा मृतदेह आणण्यासाठी ती रुग्णालयात गेली होती. त्यावेळी पतीला पाहून ती पुन्हा रडू लागली. रडता रडता ती तिने पतीला स्पर्श केला. अन् चमत्कार म्हणजे या स्पर्शानं पती पुन्हा जिवंत झाला. त्याचं हृदय पुन्हा एकदा धडधडू लागलं. हा प्रकार पाहून डॉक्टर्स देखील शॉक झाले.
मृत रुग्ण जिवंत होताच रुग्णालयात एकच खळबळ उडाली. प्रत्येक जण डॉक्टरांकडे संशयाने पाहू लागला. परिणामी डॉक्टरांच्या एका टीमनं या प्रकरणाचा सखोल तपास केला. रुग्णाचे सर्व रिपोर्ट पुन्हा एकदा तपासून पाहिले. तेव्हा आश्चर्यचकित करणारं सत्य समोर आलं. रयानचा मृत्यू न्यूरोलॉजिकल डेथ नव्हती. त्याला ट्रॉमेटिक ब्रेन डॅमेज झाला होता. त्यामुळे त्याचा मेंदू काम करत नव्हता. परिणामी त्याला मृत घोषित केलं होतं. पण पत्नीचा स्पर्श होताच त्याच्या मेंदूमध्ये संवेदना निर्माण झाल्या. आणि त्यामुळे मेंदू पुन्हा एकदा जिवंत होऊन त्याने हृदयाची धडधड पुन्हा सुरु केली. अखेर अशा प्रकारे मृत रुग्ण आपल्या बायकोमुळे जिवंत झाला. या वर्तमानातल्या सावित्रीवर सध्या जगभरातून कौतुकाचा वर्षाव केला जात आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
