दारूची दुकाने बंदचा आदेश न्याय्यालयाकडून रद्द
डॉ. बाबासाहेब आंबेडकर यांच्या जयंतीनिमित्त १४ एप्रिलला जिल्ह्यातील सर्व दारूची दुकाने बंद ठेवण्याचे आदेश जिल्हाधिकाऱ्यांनी जारी केले होते. या आदेशाला मुंबई उच्च न्यायालयाच्या नागपूर खंडपीठाने स्थगिती देत आदेश रद्द ठरविला आहे. त्यामुळे शुक्रवारी जिल्ह्यात दारूची दुकाने सुरू होती.
डॉ. बाबासाहेब आंबेडकर यांच्या जयंतीदिनी जिल्हाधिकारी विनय गौडा यांनी आदेश काढून जिल्ह्यातील सर्व दारूची दुकाने बंद ठेवण्याचे आदेश जारी केले होते. या आदेशाविरोधात चंद्रपूर लिकर असोसिएशनचे अध्यक्ष राजू मारकवार यांनी उच्च न्यायालयाच्या नागपूर खंडपीठात याचिका दाखल करून जिल्हाधिकाऱ्यांच्या आदेशाला आव्हान दिले. यावर सुनावणी करताना न्यायमूर्ती अतुल चांदूरकर आणि एमडब्ल्यू चांदवानी यांच्या खंडपीठाने जिल्हाधिकाऱ्यांच्या आदेशाला स्थगिती देत रद्द ठरविला आहे. त्यामुळे आंबेडकर जयंतीदिनी जिल्ह्यातील सर्वच देशी, विदेशी, बार व रेस्टारंट सुरू आहेत.
रामनवमीला दारूची दुकाने होती बंद
विशेष म्हणजे नुकत्याच पार पडलेल्या रामनवमी महोत्सव तथा सागवान लाकूड शोभायात्रा दिनी चंद्रपूर व बल्लारपूर शहरातील देशी विदेशी दारू दुकाने बंद होती. मात्र, आंबेडकर जयंतीला दुकाने सुरू असल्याने नागरिकांकडून टीका होत आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
