30 जून 2025 पासून नवीन UPI नियम लागू; Gpay, PhonePe, Paytm वापरत असाल तर...
सध्याच्या काळात बहुतांश नागरिकांकडे स्मार्टफोन आहेत आणि याच स्मार्टफोनमधील गुगल पे, फोन पे आणि पेटीएम किंवा भीम अॅपच्या मदतीने आर्थिक व्यवहार करतो. किराणा सामानापासून ते मॉलपर्यंत सर्वत्र खरेदी केल्यावर डिजिटल पेमेंट करण्यात येते. तुम्ही फोन पे, गुगल पे, पेटीएम, भीम अॅप युजर्स असाल तर तुमच्या कामाची बातमी आहे. कारण, 30 जून 2025 पासून यूपीआयचे नवीन नियम लागू होत आहेत. डिजिटल पेमेंट अधिक सुरक्षित, पारदर्शक आणि विश्वासार्ह बनवण्यासाठी हे नवीन नियम आणण्यात आले आहेत. यूपीआय नियमांत कोणते बदल होणार आणि त्याचा ग्राहकांवर काय परिणाम होणार? जाणून घेऊयात...
नवीन यूपीआय नियम काय?
नॅशनल पेमेंट्स कॉर्पोरेशन ऑफ इंडिया (NPCI) ने युनिफाईड पेमेंट इंटरफेस (UPI) साठी नवीन नियम जाहीर केले आहेत. नव्या नियमानुसार, यूपीआय पेमेंट करताना युजर्सला बँकेत रजिस्टर्ड असलेल्या प्राप्तकर्त्याचे खरे नाव दिसेल. यापूर्वी युजर्सला फोनमध्ये नाव किंवा निकनेम दिसत होते. याचा वापर स्कॅमर्सने त्यांची ओळख लपवण्यासाठी केलेला. पण आता नव्या नियमांमुळे युजर्सची फसवणूक रोखता येणार आहे.
नवीन यूपीआय नियमाचे फायदे
30 जून 205 पासून लागू होणाऱ्या नियमानुसार आता पेमेंट करणाऱ्यांना रिसिव्हरचे नाव दिसणार आहे. ज्यामुळे फसवणुकीच्या घटना कमी होण्यास मदत होईल. आपण करत असलेले पेमेंट योग्य व्यक्तीलाच होतेय की नाही याबाबतची खात्री युजर्स करु शकतील. नव्या नियमांच्या अंमलबजावणीनंतर युजर्सचा यूपीआय पेमेंट सिस्टमवरील विश्वास वाढेल.
कोणत्या व्यवहारांवर नवे नियम लागू
नवीन नियम हे पर्सन टू पर्सन (P2P) म्हणजेच दोन व्यक्तींमधील व्यवहारांसाठी लागू असेल.पर्सन टू मर्चेंट (P2M) म्हणजेच एखादा व्यक्ती किंवा व्यवसाय यांच्यातील व्यवहारांसाठी नवीन नियम लागू असेल.
नवीन यूपीआय निमय कसे काम करेल?
जेव्हा कोणताही युजर हा यूपीआयच्या माध्यमातून पेमेंट करेल तेव्हा त्याला रिसिव्हरचे बँकेत रजिस्टस्टर्ड असलेले खरे नाव अॅपवर दिसेल. समजा तुम्ही क्यूआर कोड स्कॅन करुन पेमेंट करत असाल तर स्कॅन केल्यावर तुम्हाला फोनवर रिसिव्हरचे खरे नाव दिसेल. कोणतेही टोपणनाव किंवा दिशाभूल करणारे नाव दिसणार नाही.जर एखादा व्यक्ती मोबाईल नंबर किंवा यूपीआय आयडीच्या माध्यमातून पेमेंट करत असेल तर त्याच्या मोबाईलवर रिसिव्हरचे बँकेतील रजिस्टर्ड असलेले नाव दिसेल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
