आता उधारीला पूर्णविराम! पेमेंट करताना UPIचे हे फीचर वापरा, मित्रांनी घेतलेली उधारी लगेच परत मिळवा

आता उधारीला पूर्णविराम! पेमेंट करताना UPIचे हे फीचर वापरा, मित्रांनी घेतलेली उधारी लगेच परत मिळवा

आपल्यापैकी प्रत्येकाकडे असा एक मित्र असतो जो पैसे वेळेवर देत नाही किंवा सतत टाळाटाळ करतो. अशा लोकांचं बिल भरावं लागणं किंवा एकदा पैसे दिल्यानंतर त्यांच्याकडून परत मागण्यासाठी विनवण्या कराव्या लागतात. हे तर वेगळंच कष्टाचं काम! अशा वेळेस अशा मित्रांना वठणीवर आणणं खरंच कठीण ठरतं. पण यावर एक जबरदस्त उपाय आहे - UPI बिल स्प्लिट फीचर!या फीचरमुळे आता एकत्र केलेल्या खर्चाचे पैसे मागणं आणि देणं अगदी काही क्षणांत शक्य होतं. Google Pay, PhonePe आणि Paytm सारख्या UPI पेमेंट अ‍ॅप्सच्या मदतीने तुम्ही आता सहजपणे ग्रुपमध्ये बिल शेअर करू शकता.

उदाहरणार्थ, समजा तुम्ही आणि तुमचे पाच मित्र मिळून 2500 रुपयांचं जेवण केलं आहे. तर आता एका व्यक्तीने पूर्ण बिल भरून उरलेल्या चार जणांकडून पैसे मागण्याची गरज नाही. बिल स्प्लिट फीचर वापरून, प्रत्येकाच्या वाट्याचे 500 रुपये थेट अ‍ॅपमधूनच शेअर करता येतात.यामुळे ना कोणाला लाज वाटते, ना कोणावर दबाव येतो - आणि पैशांवरून होणारे वाद, गैरसमजसुद्धा टळतात!

जाणून घ्या प्रोसेस

Google Pay वर बिल स्प्लिट करण्यासाठी सर्वप्रथम अ‍ॅप उघडा आणि पेमेंट करा.

त्यानंतर खाली डाव्या बाजूला असलेल्या Split Bill या पर्यायावर क्लिक करा.

ज्यांच्यासोबत बिल शेअर करायचं आहे त्यांना निवडून एक ग्रुप तयार करा.

Split an Expense वर क्लिक करून एकूण रक्कम भरा.

Request बटणावर टॅप करून प्रत्येक व्यक्तीकडून त्यांच्या वाट्याचे पैसे मागा.

PhonePe अ‍ॅपमध्ये Split Bill हा पर्याय मुख्य स्क्रीनवरच दिसतो. त्यावर क्लिक करा, रक्कम टाका, संबंधित कॉन्टॅक्ट्स सिलेक्ट करा आणि Send Request दाबा. यानंतर सर्व निवडलेल्या व्यक्तींना नोटिफिकेशन पाठवले जाते.

दिवसPaytm मध्ये, चॅट बॉक्समध्ये Split Bill चा पर्याय निवडा. त्यानंतर रक्कम आणि कॉन्टॅक्ट सिलेक्ट करून Continue करा आणि शेवटी Send वर क्लिक करा. या सोप्या स्टेप्समुळे बिल शेअर करणे झालेय अगदी झटपट आणि त्रासमुक्त!

केवळ पैसे पाठवण्यापुरते मर्यादित नाही

UPI अ‍ॅप्समधील बिल स्प्लिट फीचर केवळ पैसे पाठवण्यापुरते मर्यादित नाही, तर ते तुमच्या सामूहिक खर्चाचे व्यवस्थापन अधिक सोपे, पारदर्शक आणि नियोजनबद्ध बनवते. प्रत्येक अ‍ॅपमधील प्रक्रिया थोडी वेगळी असली तरी मूळ उद्देश एकच - एकत्र खर्चाचा भार केवळ एका व्यक्तीवर पडू नये आणि प्रत्येकाने आपापला वाटा सहजपणे द्यावा.

म्हणूनच, तुमच्या ग्रुपमध्ये जर कुणाला नेहमीच "मी देतो" म्हणायची सवय असेल, तर आता या डिजिटल उपायाचा लाभ घ्या. UPI बिल स्प्लिट फीचर तुमच्या पैशांचे गणित व्यवस्थित ठेवेल आणि तुमच्या नात्यात कोणताही आर्थिक तणाव निर्माण होऊ देणार नाही.आता मस्त फिरा, मजा करा आणि खर्चाची जबाबदारी UPI वर सोडा!

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.