Breaking News!:हात पाय बांधले, नळीतून जेवण.., जिनं करोना व्हायरस जगासमोर आणला, तिला तुरूंगवासाची शिक्षा
बीजिंग: चीनमध्ये कोरोना विषाणूची माहिती देणाऱ्या महिला पत्रकार झांग झान यांना पुन्हा एकदा 4 वर्षांची शिक्षा झाली आहे. त्यांनी करोना व्हायरस विषाणूची माहिती जगासमोर आणली आणि न चीनचा खरा चेहरा उघड केला होता. यापूर्वी 2020 मध्येही त्यांना 4 वर्षांची शिक्षा झाली होती, त्यानंतर सुटका झाल्यावर त्यांना पुन्हा अटक करण्यात आली. चीनने कोरोनाच्या प्रसाराची माहिती लपवण्याचा प्रयत्न केला, परंतु झांग झान यांनी सत्य जगासमोर आणले. चीनला कधीच नको होते की, करोना
व्हायरसबद्दल दोषी धरले जावे. म्हणूनच दडपशाही केली गेली होती. पण झांग
यांनी जगाला फक्त माहितीच न देता. चीनमध्ये पसरत चाललेल्या तत्कालिन करोना
व्हायरसचे फोटो आणि व्हिडिओही शेअर केले होते. आणि चीनचा खोटा चेहरा उघडकीस
आणला होता. यामुळेच त्यांना अगोदर 4 आणि आता पुन्हा एकदा 4 वर्षांची
शिक्षा सुनावण्यात आली आहे.
आरोप, गैरवर्तन, उपोषण
'रिपोर्टर्स विदाऊट बॉर्डर्स'नुसार, चीनमध्ये 42 वर्षीय झांग झान यांच्यावर "अशांती पसरवण्याचा" आरोप आहे. याच आरोपाखाली यापूर्वी डिसेंबर 2020 मध्ये त्यांना 4 वर्षांची शिक्षा झाली होती. जेलमध्ये झांग यांच्याशी गैरवर्तन करण्यात आले. जेलमध्ये असताना झांग यांनी उपोषण सुरू केले, त्यानंतर पोलिसांनी त्यांचे हात-पाय बांधून त्यांना जबरदस्तीने नळीने अन्न भरवले. झांग यांना मे 2024 मध्ये सोडण्यात आले होते, परंतु 3 महिन्यांनंतर त्यांना पुन्हा ताब्यात घेण्यात आले. त्यानंतर, औपचारिकपणे अटक करून शांघायच्या पुडोंग डिटेंशन सेंटरमध्ये पाठवण्यात आले.
चीन म्हणजे पत्रकारांसाठी तुरूंगच
कोविडचा प्रसार होत असताना चीन जगाला परिस्थिती सामान्य असल्याचे भासवत होता, तेव्हा झांग यांनी व्हिडिओ आणि फोटोंच्या माध्यमातून चीनची खरी परिस्थिती दाखवली. चीनमध्ये पत्रकारांची स्थिती अत्यंत दयनीय आहे. आरएसएफ वर्ल्ड प्रेस फ्रीडम इंडेक्स 2025 मध्ये चीन 180 देशांमध्ये 178 व्या स्थानावर आहे. आरएसएफ चीनला पत्रकारांसाठी जगातील सर्वात मोठी जेल मानते. चीनमध्ये सुमारे 124 माध्यमकर्मी तुरुंगात आहेत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
