पुण्याला जाणाऱ्या ट्रेनमध्ये पोलिसांची धाड: १६७ मुलांचा ताबा, मानवी तस्करीचा संशय?
शनिवारी मध्य प्रदेशातील कटनी जंक्शन येथे मोठी खळबळ उडवणारी एक घटना घडली; जेव्हा बाल कल्याण समितीने पाटण्याहून पुण्याकडे जाणाऱ्या एका रेल्वेगाडीतून प्रवास करणाऱ्या १६७ मुलांची सुटका केली. रेल्वे सुरक्षा दल आणि जीआरपी यांच्या मदतीने या मुलांची रेल्वेतून सुटका करण्यात आली. चौकशीदरम्यान असं समोर आलं की, ही सर्व मुले बिहारमधील अररिया येथून महाराष्ट्रातील लातूरला, एका मदरशामध्ये शिक्षण घेण्यासाठी प्रवास करत होते.
बाल तस्करीचा संभाव्य प्रयत्न रोखण्याबाबत गुप्त माहितीच्या आधारे, बाल कल्याण समितीच्या पथकाने ही कारवाई केली होती. अररियाहून लातूरमधील मदरशामध्ये या मुलांना घेऊन जाणाऱ्या 'सद्दाम' नावाच्या व्यक्तीने सांगितलं की, गेल्या १० वर्षांपासून तो मुलांना लातूरमधील मदरशामध्ये शिक्षणासाठी घेऊन जात आहे. त्याने पुढे सांगितले की, या वेळीसुद्धा तो सुमारे १०० मुलांना त्यांच्या पालकांच्या पूर्ण संमतीनेच घेऊन जात होता.
तस्करीबाबत गुप्त माहिती प्राप्त
या प्रकरणावर भाष्य करताना बाल संरक्षण अधिकारी मनीष तिवारी यांनी सांगितलं की, पाटण्याहून पुण्याकडे जाणाऱ्या रेल्वेगाडीतून १०० हून अधिक मुलांची संभाव्य तस्करी केली जात असल्याची गुप्त माहिती त्यांना मिळाली होती. या माहितीच्या आधारे, CWC च्या सदस्यांनी आरपीएफ आणि जीआरपी यांच्या मदतीने कटनी जंक्शन येथे या मुलांची सुटका केली आणि त्यांची चौकशी सुरू केली.
प्रत्येक पैलूची सखोल चौकशी सुरू
चौकशीदरम्यान, मुलांनी सांगितलं की ते लातूरमधील एका मदरशामध्ये शिक्षण घेण्यासाठी प्रवास करत होते. सध्या, या प्रकरणाचे गांभीर्य ओळखून, या खटल्याच्या प्रत्येक पैलूची सखोल चौकशी सुरू करण्यात आली आहे. जेणेकरून यामध्ये काही अनियमितता किंवा मानवी तस्करीचा संशय असल्यास, तो वेळीच उघडकीस आणता येईल आणि रोखता येईल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
