नशामुक्त अभियानांतर्गत संजयनगर पोलिसांची धडक कारवाई: ०८ नशाखोरांसह ०१ हद्दपार गुन्हेगार गजाआड
सांगली :- शहर व परिसरात कायदा-सुव्यवस्था अबाधित राखण्यासाठी आणि सार्वजनिक ठिकाणी मद्यपान व नशा करणाऱ्यांमुळे होणारा नागरिकांचा त्रास रोखण्यासाठी संजयनगर पोलिसांनी विशेष 'नशामुक्त अभियान' राबवले. या धडक मोहिमेत १ हद्दपार आरोपीसह सार्वजनिक ठिकाणी दारू पिणाऱ्या ५ जणांवर आणि अंमली पदार्थ (गांजा) बाळगून त्याचे सेवन करणाऱ्या ३ अशा एकूण ९ जणांवर धडक कारवाई करण्यात आली आहे.
कारवाईचा सविस्तर तपशील
हद्दपार आदेशाचा भंग (१ आरोपी):
आरोपी: सारंग दिलीप वारे (वय २२, रा. चिंतामणीनगर झोपडपट्टी, सांगली).
मा. उपविभागीय दंडाधिकारी मिरज यांनी आरोपीला १ वर्षासाठी सांगली जिल्ह्यातून हद्दपार केले होते. तरीही पूर्वपरवानगीशिवाय तो शहरात फिरत असताना प्रशांत हॉटेल जवळ, चिंतामणीनगर येथून त्यास ताब्यात घेण्यात आले.
गुन्हा: महाराष्ट्र पोलीस अधिनियम १९५१ चे कलम १४२ अन्वये गुन्हा (गु.र.नं. २८९/२०२६) दाखल.
सार्वजनिक ठिकाणी बेकायदेशीर मद्यपान (५ आरोपी):
आरोपी: १) अमीर मन्सुर मुजावर (वय ३५, रा. बिसुर), २) समीर दस्तगीर कवठेकर (वय २८, रा. बिसुर), ३) समीर लियाकत शेख (वय २३, रा. बिसुर), ४) विनायक भिमराव शिंगाडे (वय ३१, रा. गांधी कॉलनी), ५) सोहेल मुजीर मुल्ला (वय २८, रा. आरवाडे पार्क).
माधवनगर येथील डेक्कन वाईन शॉपच्या बाजूस बंद पडलेल्या लक्ष्मी चित्रमंदिराच्या जागेत आणि आरवाडे पार्क येथील विश्वास मल्टीपर्पज हॉलसमोर परवान्याशिवाय सार्वजनिक ठिकाणी मद्यसेवन करताना हे आरोपी आढळले.
गुन्हा: महाराष्ट्र दारूबंदी अधिनियम १९४९ चे कलम ८४ अन्वये गुन्हे (गु.र.नं. २९०/२०२६ ते २९४/२०२६) दाखल.
गांजा बाळगणे व सेवन करणे (३ आरोपी):
आरोपी: १) किरण धोडीराम सातपुते (वय ३४), २) अनुज पोपट सातपुते (वय २२), ३) सागर महादेव भिसे (वय ३७, सर्व रा. चिंतामणीनगर).
चिंतामणीनगर ते माधवनगर रोडवरील बंद पडलेल्या जलतरण तलावाजवळ मानवी मनावर व बुद्धीवर परिणाम करणारे नशाकारक अंमली पदार्थ (गांजा) बेकायदेशीर बाळगून त्याचे सेवन करताना या तिघांना रंगेहाथ पकडण्यात आले.
गुन्हा: एनडीपीएस अॅक्ट कलम २७(बी), ३(५) प्रमाणे गुन्हा (गु.र.नं. २९५/२०२६) दाखल.
ही कारवाई पोलीस अधीक्षक श्री. तुषार दोशी, अपर पोलीस अधीक्षक कल्पना बारवकर, उपविभागीय पोलीस अधिकारी श्री. अजय कोकाटे यांच्या मार्गदर्शनाखाली संजयनगर पोलीस ठाण्याचे पोलीस निरीक्षक बयाजीराव कुरळे, सपोफौ विनोद साळुंखे, पोलीस अंमलदार संतोष पुजारी, संदीप पाटील, सत्यपाल सुतार, सचिन वडगावे, मोहन सोनवणे, दीपक कोकाटे, ऋषिकेश खोचगे, श्रीकांत कोळेकर आणि महिला पोलीस कर्मचारी शैलजा गावडे, रंजना बेडगे व प्रियंका चाबरे यांच्या पथकाने केली.
पोलीस प्रशासनाचे आवाहन:
सार्वजनिक ठिकाणी मद्यपान करणे, गांजा ओढणे किंवा कायदा व सुव्यवस्थेस बाधा आणणाऱ्यांवर यापुढेही अशीच कठोर कारवाई सुरू राहील. नागरिकांना आपल्या परिसरात असे अवैध प्रकार आढळून आल्यास त्यांनी तात्काळ संजयनगर पोलीस ठाण्याशी संपर्क साधून माहिती द्यावी.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
