कर्मवीर सांगली पतसंस्थेस नव्या १० शाखा विस्तारास मंजुरी - चेअरमन श्री. रावसाहेब जिनगोंडा पाटील
सांगली :- कर्मवीर भाऊराव पाटील नागरी सहकारी पतसंस्था मर्या., सांगली यांना १) ताकारी ता. वाळवा २) कवठेमहांकाळ ता. कवठेमहांकाळ ३) सावळज ता. तासगांव ४) संभाजीपूर- जयसिंगपूर ता. शिरोळ ५) हातकणंगले ता. हातकणंगले ६) गांधीनगर वसगडे ता. करवीर ७) चितांमणीनगर- सांगली ता. मिरज ८) भोसे ता. मिरज ९) शिरोळ ता. शिरोळ या ठिकाणी शाखा मंजुर झाल्या तर गर्व्हमेंन्ट कॉलनी सांगली ही शाखा पुर्वी मंजुर झालेली आहे. या शाखा येत्या आर्थिक वर्षात सुरु करणार असून त्यामुळे शाखांची संख्या आता ६१ होईल अशी माहिती संस्थेचे चेअरमन श्री. रावसाहेब जिनगोंडा पाटील यांनी प्रतिनिधीस दिली.
संस्थेचे कार्यक्षेत्र सांगली, कोल्हापूर व सातारा जिल्हा असून संस्था ३५ वर्ष आर्थिक क्षेत्रात कार्यरत आहे. संस्थेचे भागभांडवल २४ कोटी असून संस्थेचा स्वनिधी ५८ कोटी आहे. संस्थेच्या ठेवी ६४७ कोटी असून ४८७ कोटीचे कर्ज वाटप केले आहे. संस्थेची गुंतवणूक २०६ कोटीची आहे. संस्थेच्या ५१ शाखा सध्या कार्यरत आहे. सभासद संख्या ४५००० आहे. संस्थेचे नेट एन पी ए ० % आहे. संस्थेचा एकूण व्यवसाय १५०० कोटीकडे वाटचाल करीत आहे.
संस्थेकडे अनेक ठेवीच्या व कर्जाच्या अनेक योजना सुरु असून संस्थेचे संपुर्ण कामकाज संगणकीकृत असून आधुनिक बँकींगच्या अनेक सेवा संस्था देत आहे. संस्थेचे मुख्यालयाची आधुनिक इमारत पुर्णतेच्या मार्गावर असून लवकरच इमारतीचा उद्घाटन सोहळा घेतला जाणार असल्याची माहिती चेअरमन यांनी दिली.
यावेळी संस्थेच्या व्हाईस चेअरमन श्रीमती भारती चोपडे, संचालक अॅड. एस. पी. मगदूम डॉ. नरेंद्र खाडे, डॉ. रमेश ढबू, श्री. लालासाहेभ थोटे, श्री. ओ. के. चौगुले ( नाना ) श्री. वसंतराव नवले, संचालिका सौ. ललिता सकळे, तज्ञ संचालक डॉ. एस. बी. पाटील (मोटके) मुख्य कार्यकारी अधिकारी श्री. अनिल श्रीपाल मगदूम उपस्थित होते...
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
