कोण शरद पवार? मी नाही ओळखत; केंद्रीय मंत्र्यांनं पवारांना डिवचलं
सातारा: राज्यातील राजकारणात दररोज काही ना काही नवीन घडामोडी घडत असतात. यामध्ये सत्ताधारी आणि विरोधक एकमेकांवर आरोप प्रत्यारोप करत असतात. अशात एका केंद्रीय मंत्र्यांनं राष्ट्रवादी काँग्रेस पक्षाला डिवचलं आहे.
केंद्रीय गृह राज्य मंत्री अजय कुमार मिश्रा यांनी सातारा येथे बोलत असताना राष्ट्रवादी काँग्रेस पक्षाला डिवचलं आहे. माध्यमांशी बोलताना ते म्हणाले, “कोण शरद पवार? मी त्यांना ओळखत नाही. शरद पवार यांचा पक्ष किती मोठा आहे? मला माहित नाही.”
पुढे बोलताना ते म्हणाले, “चार-पाच खासदारांच्या पक्षाची गणना होत नाही. ज्या ठिकाणी मी राहतो त्या ठिकाणी शरद पवार निवडणूक लढवून बघू शकतात.” केंद्रीय गृह राज्य मंत्री अजय कुमार मिश्रा यांच्या या वक्तव्यानंतर राज्यात नवा वाद निर्माण होण्याची शक्यता झाली आहे.
दरम्यान, कोल्हापूरमध्ये झालेल्या आंदोलनावर प्रतिक्रिया देताना शरद पवार म्हणाले, "सध्या देशामध्ये धार्मिक वाद वाढत चालले आहे. व्यक्तिगत कारणांमुळे समाजावर हल्लाबोल करणे अत्यंत चुकीचे आहे. मुस्लिम समाजाकडून चुका होतात तशा हिंदूकडूनही होऊ शकतात. देशात मुस्लिम आणि ख्रिश्चन या दोन्ही धर्माबद्दल काळजी वाटावी, अशी सध्या त्यांची परिस्थिती आहे."
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.