धक्कादायक! आरोपींस अटक करण्यास गेलेल्या पोलिसांवर जमावाकडून दगडफेक; भिवंडीतील प्रकार
भिवंडी शहरात वऱ्हाळ नगर कामतघर या झोपडपट्टी परिसरातून एक धक्कादायक बातमी समोर आली आहे. यात शेजारच्या मुलांच्या प्रेमप्रकरणातून संशय घेत शेजाऱ्याने केलेल्या भांडणात आई आणि अल्पवयीन मुलीस मारहाण करताना अल्पवयीन मुलीच्या वडीलांना मारहाण केली.
या वेळी घाबरून अल्पवयीन मुलीने फिनेल पिऊन आत्महत्या करण्याचा प्रयत्न केला. त्यानंतर अल्पवयीन मुलीस उपचारासाठी आय जी एम रुग्णालयात दाखल केले.या घटनेची माहिती स्थानिक नारपोली पोलिस ठाण्यास मिळताच पोलीस आयजीएम रुग्णालयात दाखल होऊन अल्पवयीन मुलीचा जबाब घेत असतानाच या गुन्ह्यातील आरोपी हे वऱ्हाळ नगर कामतघर येथे उभे असल्याचे समजले असता नारपोली पोलिस ठाण्यातील पोलिस उपनिरीक्षक आकाश पवार व सुनील शिंदे व तडवी हे पथक पोलिस जीप घेऊन घटनास्थळी आरोपींना पकडण्यासाठी गेले. या वेळी तेथील काही गुंड प्रवृत्तीच्या युवकांनी या पोलिसपथका सोबत अरेरावीची भाषा वापरून त्यांना शिवीगाळ करीत धक्काबुक्की केली. पोलिसांनी त्यांना अडवण्याचा व आरोपींना पकडण्याचा प्रयत्न केला असता, जमावाने पोलिसांवर व पोलिस जीप वर दगडफेक करून हल्ला चढवल्याची घटना घडली आहे.
दगडफेकीत पोलीस जखमी, गाडीचे ही नुकसान
पुढे आलेल्या माहितीनुसार, यामध्ये जीपचे नुकसान झाले असून तडवी हे पोलीस शिपाई दगड लागल्याने जखमी झाले आहेत. सध्या पोलीस शिपाई तडवी यांच्यावर खाजगी रुग्णालयात उपचारासाठी दाखल करण्यात आले असून नारपोली पोलीस ठाण्यात अल्पवयीन मुलीच्या आईकडून तसेच पोलिस उपनिरीक्षक आकाश पवार यांच्या तक्रारीवरून दोन वेगवेगळे गुन्हे दाखल करण्यात आले आहे. या प्रकारणी पोलिसांनी चार आरोपींना ताब्यात घेतले आहे. तर पुढील तपास पोलीस करत आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
