IAS पदाचा राजीनामा देऊन उभी केली २६ हजार कोटींची कंपनी! जाणून घ्या या असामान्य व्यक्तीचा प्रेरणादायक प्रवास...
सामान्यपणे एखादी व्यक्ती एका क्षेत्रात यशस्वी झाली तरी तीच गोष्ट जीवनभर करत राहते. मात्र काही व्यक्ती अशा असतात ज्या सतत काहीतरी वेगळं करण्याचा ध्यास घेतात. अशाच व्यक्तींपैकी एक म्हणजे रोमन सैनी.
अवघ्या १६व्या वर्षी डॉक्टर, २२व्या वर्षी IAS अधिकारी आणि आज २६ हजार
कोटींच्या 'Unacademy' या शैक्षणिक स्टार्टअपचे सहसंस्थापक! त्यांच्या
प्रेरणादायी प्रवासाने लाखो तरुणांना नवा दृष्टिकोन दिला, तसेच डिजिटल
क्रांतीच्या वाटचालीत एक पाऊल पुढे टाकले.
गावातून उंच भरारी
राजस्थानमधील कोटपुतली तालुक्यातील रायकरनपूर या छोट्याशा गावात जन्मलेले रोमन सैनी लहानपणापासूनच अभ्यासात हुशार होते. सीमित संसाधनांमध्ये वाढत असतानाही त्यांच्या मनात मोठं काहीतरी करायची आस होती. शिक्षण हेच जीवन बदलण्याचं साधन आहे, यावर त्यांचा पूर्ण विश्वास होता.
१६व्या वर्षी डॉक्टर :शालेय वयात NEET पार
साधारणपणे
जिथे विद्यार्थी दहावीच्या परीक्षेची तयारी करत असतात, तिथे रोमनने केवळ
१६व्या वर्षी NEET परीक्षा उत्तीर्ण करून AIIMSमध्ये प्रवेश मिळवला.
देशातील सर्वोच्च वैद्यकीय संस्थांपैकी एक असलेल्या AIIMS मध्ये एमबीबीएस
पूर्ण करणे हेच स्वतःत एक मोठं यश होतं. पण रोमनसाठी हे केवळ एक पायरी
होती.
एमबीबीएस ते IAS
एमबीबीएस नंतर काही काळ त्यांनी नॅशनल ड्रग डिपेंडन्स ट्रीटमेंट सेंटरमध्ये डॉक्टर म्हणून सेवा दिली. मात्र त्यांच्या मनात नेहमीच समाजासाठी थेट काम करण्याची ओढ होती. म्हणून त्यांनी UPSC ची तयारी सुरू केली आणि अवघ्या २२व्या वर्षी IAS परीक्षा उत्तीर्ण करत देशातील सर्वोच्च सेवा प्राप्त केली.
IAS चा राजीनामा :एका मोठ्या बदलाची सुरुवात
मध्य
प्रदेश कॅडरमध्ये असिस्टंट कलेक्टर म्हणून काम करत असताना रोमनला भारतीय
शिक्षणव्यवस्थेबाबत अनेक प्रश्न सतावत होते. विद्यार्थ्यांसमोर असलेल्या
आर्थिक अडचणी, शिक्षणातील असमानता यामुळे त्याने केवळ ८ महिन्यांत IAS
पदाचा राजीनामा देण्याचा धाडसी निर्णय घेतला.
Unacademy ची स्थापना : शिक्षणात डिजिटल क्रांती
२०१५ मध्ये रोमनने आपल्या मित्र गौरव मुंजाल आणि हेमेश सिंग यांच्यासोबत मिळून 'Unacademy'या ऑनलाइन शिक्षण प्लॅटफॉर्मची स्थापना केली. सुरुवातीला फक्त YouTube च्या माध्यमातून मोफत शिकवणारे हे व्यासपीठ आज देशातील अग्रगण्य एज्युकेशन टेक स्टार्टअप बनले आहे.
२६ हजार कोटींची कंपनी : यशाचा शिखर
आज
'Unacademy' ची मार्केट व्हॅल्यू सुमारे २६,000 कोटी रुपये इतकी आहे.
UPSC, NEET, JEE, NET यांसारख्या परीक्षा तसेच विविध कौशल्य प्रशिक्षणासाठी
लाखो विद्यार्थी या प्लॅटफॉर्मचा वापर करत आहेत. दर्जेदार आणि परवडणारं
शिक्षण सर्वांपर्यंत पोहोचवण्याच्या रोमनच्या ध्येयाने ही यशोगाथा शक्य
झाली आहे.
सामान्यातून असामान्यतेकडे
रोमन सैनी यांचा प्रवास हे दाखवतो की, प्रतिभा, कष्ट, आणि समाजासाठी काहीतरी करण्याची जिद्द असेल, तर कितीही मोठे निर्णय घेणं शक्य होतं. डॉक्टर, IAS आणि उद्योजक अशा तिहेरी भूमिकांमधून त्यांनी स्वतःला सिद्ध केलं आहे. त्यांच्या यशामागचं खरं रहस्य म्हणजे "यशस्वी" होण्यापेक्षा "मूल्यवान" होण्याची इच्छा! शिक्षणाच्या असमानतेमुळे लाखो मुलांना संधीच मिळत नाही, ही गोष्ट त्यांनी अगदी जवळून पाहिली आणि अनुभवल्यामुळे त्यांनी Unacademy च्या माध्यमातून दर्जेदार शिक्षण,ते ही घरबसल्या, अल्प खर्चात, सर्वांपर्यंत पोहोचवण्याचं स्वप्न पाहिलं आणि ते सत्यात उतरवलं. त्यांचा प्रवास आपल्याला शिकवतो की, यशस्वी होणं हे एक लक्ष्य असू शकतं, पण समाजासाठी काहीतरी करून दाखवणं,हे खऱ्या अर्थाने महानतेचं लक्षण आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
