सांगली :- आधी मित्राला हळदीला नेलं, येताना केली 'ती' घाणेरडी मागणी, मित्राने नकार देताच...
मिरज: सांगली जिल्ह्यातील मिरज तालुक्यातील आरग येथे एका भयानक घटनेने परिसरात खळबळ उडाली आहे. 21 वर्षीय तरुण सुजय बाजीराव पाटील याची समलिंगी शरीरसुखाची मागणी नाकारल्याच्या कारणावरून हत्या करण्यात आली आहे. ही घटना रविवार, 29 जून 2025 रोजी रात्री घडली असून, पोलिसांनी या प्रकरणी दोन अल्पवयीन संशयितांना ताब्यात घेतले आहे.
नेमकी घटना काय?
मयत सुजय पाटील हा रविवारी रात्री तो दोन अल्पवयीन मित्रांसह बेळंकी येथे हळदी समारंभाला गेला होता. कार्यक्रम संपल्यानंतर तिघेही परत येत असताना त्यांनी मद्यपान केले. आरग येथील पाझर तलावाजवळ पोहोचल्यानंतर एका मित्राने सुजयकडे समलिंगी शरीरसुखाची मागणी केली. सुजयने या मागणीला तीव्र विरोध दर्शवला, ज्यामुळे संतापलेल्या दोघा मित्रांनी त्याच्यावर क्रूर हल्ला चढवला.
हत्येची अमानुष घटना
प्राथमिक तपासात निष्पन्न झाल्याप्रमाणे, संतप्त मित्रांनी सुजयला आधी विवस्त्र केले आणि नंतर त्याला बेदम मारहाण केली. लाथा-बुक्क्यांसह दगडांनी मारहाण केल्याने सुजय गंभीर जखमी झाला. त्यानंतर आरोपींनी त्याला तलावात बुडवून ठार मारले. सोमवार, 30 जून 2025 रोजी सुजयचा मृतदेह विवस्त्र अवस्थेत तलावात सापडला, ज्यामुळे पोलिसांना संशय निर्माण झाला.
पोलिसांनी तात्काळ आरोपींना केली अटक
सुजयच्या मृतदेहावर आढळलेल्या जखमा आणि परिस्थितीवरून पोलिसांनी तात्काळ तपास सुरू केला. तपासादरम्यान ही घटना समलिंगी मागणीवरून घडल्याचे स्पष्ट झाले. पोलिसांनी तातडीने दोन अल्पवयीन संशयितांना ताब्यात घेऊन त्यांची कसून चौकशी सुरू केली आहे. पोलिसांनी या प्रकरणात अधिक तपास सुरू असून, सर्व घटनाक्रमाचा उलगडा लवकरच होईल, अशी माहिती दिली.
परिसरात संताप
या अमानुष हत्येनंतर आरग परिसरात संतापाचे वातावरण आहे. स्थानिक नागरिकांनी या घटनेचा निषेध नोंदवला असून, कठोर कारवाईची मागणी केली जात आहे. पोलिसांनी या प्रकरणाचा सखोल तपास सुरू ठेवला असून, घटनेचे सर्व पैलू उघड करण्यासाठी प्रयत्न सुरू आहेत. पोलिसांनी दिलेल्या माहितीनुसार, लवकरच या प्रकरणातील सर्व आरोपींवर कायदेशीर कारवाई करण्यात येईल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
