आता या बँकेला लागणार टाळा ! RBI ने घेतला मोठा निर्णय, चेक करा तुमचं या बँकेत अकाउंट तर नाही ना...
भारतीय रिझर्व्ह बँकेने एका सहकारी बँकेसंबंधी मोठा निर्णय घेतला आहे. आरबीआयने महाराष्ट्रातील सातारा येथील जीजामाता महिला सहकारी बँकेचा परवाना रद्द करण्याचा निर्णय घेतला आहे. या सहकारी बँकेकडे पुरेशी भांडवल रक्कम आणि भविष्यातील विकासासाठी आवश्यक संभावनांचा अभाव असल्याने आरबीआयने हा मोठा निर्णय घेतला आहे.
फॉरेंसिक ऑडिटमध्ये आढळल्या त्रुटी
सातारा येथील जिजामाता महिला सहकारी बँकेचा परवाना यापूर्वी 30 जून 2016 रोजी रद्द करण्यात आला होता. त्यानंतर बँकेने केलेल्या अपीलनंतर 23 ऑक्टोबर 2019 रोजी हा परवाना पुन्हा मिळाला होता. RBI च्या एका निवेदनानुसार, अपीलीय प्राधिकरणाने 2013-14 आर्थिक वर्षासाठी बँकेचे फॉरेंसिक ऑडिट करण्याचा निर्देश दिला होता. त्यासाठी RBI ने एका स्वतंत्र ऑडिटरची नियुक्ती केली होती. मात्र, बँकेकडून आवश्यक सहकार्य न मिळाल्याने ऑडिट पूर्ण होऊ शकले नाही.
बँक कधी बंद होणार?
परवाना रद्द करण्याचा निर्णय घेताना RBI स्पष्ट केलं, की ऑडिट आणि इतर आकलनांनुसार बँकेची आर्थिक परिस्थिती दिवसेंदिवस बिकट होत होती. त्यामुळे RBI ने 7 ऑक्टोबर 2025 पासून जीजामाता महिला सहकारी बँकेचे बँकिंग कार्य थांबवण्याचा निर्णय घेतला आहे. तसेच, महाराष्ट्रातील सहकारी संस्था रजिस्ट्रार यांना बँक बंद करण्याचा आदेश देण्याचे आणि बँकेसाठी परिसमापक नियुक्त करण्याचे सूचित करण्यात आले आहे.
परिसमापक म्हणजे काय?
परिसमापक म्हणजे तो व्यक्ती किंवा संस्था, जी एखाद्या कंपनीच्या बंदीच्या प्रक्रियेत नेमली जाते. त्याचे मुख्य काम म्हणजे कंपनीच्या मालमत्तांचे व्यवस्थापन करणे, त्यातून मिळालेली रक्कम ठेवीदारांना देणे आणि उरलेली रक्कम शेअरहोल्डर्सना देणे. म्हणजेच, परिसमापक कंपनीच्या व्यवस्थापन करणारा अधिकारी असतो.
ग्राहकांना मिळणाऱ्या सुविधांचा खुलासा
बँक बंद झाल्यानंतर बँकिंग व्यवहारांसह नवीन जमा स्वीकारणे आणि जमा रक्कम परतफेडीवर बंदी घालण्यात आली आहे. मात्र, परिसमापनाच्या प्रक्रियेनंतर, प्रत्येक जमाकर्ता जमा विमा आणि कर्ज हमी महामंडळ (DICGC) कडून त्यांच्या जमा रकमेवर 5 लाख रुपये पर्यंत विमा दाव्या (इन्शुरन्स क्लेम) करू शकतात. 30 सप्टेंबर 2024 पर्यंत एकूण जमा रकमेपैकी 94.41 टक्के रक्कम DICGC च्या संरक्षणात होती, असेही RBI ने स्पष्ट केलं आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
