नवनीत राणांची तक्रार! अमरावती आणि मुंबईच्या पोलीस आयुक्तांना नोटीस! “हे” आहे कारण !!
अमरावतीः खासदार यांच्या तक्रारीवरून अमरावती आणि मुंबई पोलीस आयुक्त आणि पोलीस उपआयुक्त यांना नोटीस देण्यात येणार आहे. लोकसभा सचिवालयात ९ मार्च रोजी हजर राहण्याचे आदेश देण्यात आला आहे. पोलिसांनी जबरदस्तीने थांबवून अपशब्द वापरले, असा आरोप नवनीत राणांनी केला आहे. १५ नोव्हेंबर २०२० रोजी खासदार नवनीत राणा आणि आमदार रवी राणा यांना पोलीसांनी ताब्यात घेतले होते. यावेळी पोलीस वाहनात खासदाराना बसवून नेल्याने आणि मुंबईला जात असतांना जबरदस्तीने थांबवणे सोबतच पोलीसांनी अपशब्द वापरल्याचे आरोप खासदार नवनीत राणा यांनी केला आहे. अमरावती जिल्ह्यात २०२० मध्ये प्रचंड पावसामुळे शेतीचं खूप नुकसान झालं. त्यामुळे शेतकऱ्यांना ५० हजार रुपये प्रति एकर नुकसान भरपाई आणि वीजबिल ५० टक्के माफ करावं अशी मागणी केली होती. आमदार रवी राणांनी शेतकऱ्यांना घेऊन १३ नोव्हेंबर २०२० ला अमरावती-नागपूर महामार्ग मोझरी येथे तब्बल दोन तास रास्ता रोको आंदोलन केले.
यावेळी तिवसा येथे टायरची जाळपोळ केली. या आंदोलनाला हिंसक वळण लागले होते. या आंदोलनामुळे आमदार रवी राणा यांच्यासह १८ शेतकऱ्यांना तिवसा पोलीसांनी अटक केली आणि न्यायालयाने २० नोव्हेंबर २०२० पर्यंत न्यायालयीन कोठडी सुनावली होती. यावेळी आमदार रवी राणांनी दिवाळी न्यायालयीन कोठडीत काढली होती. वाचाः १४ नोव्हेंबर २०२० दिवाळीच्या दिवशी खासदार नवनीत राणा यांनी कारागृहाबाहेर महिलांना घेऊन ठिय्या आंदोलन केले होते. त्यानंतर १५ नोव्हेंबर २०२० रोजी हे दोघेही शेतकऱ्यांना घेऊन मुख्यमंत्री यांच्या मातोश्रीवर जाऊन निवेदन देणार होते. पण पोलिसांनी सायंकाळी त्यांना घरूनच ताब्यात घेऊन पोलीस आयुक्त कार्यालयात आणले होते. यावेळी खासदार नवनीत राणा चांगल्याच संतापल्या होत्या आणि त्यांनी तेव्हाच सांगितले होते की, या सगळ्या पोलीस अधिकाऱ्यांना संसदेत बोलावून यांच्यावर निलंबनाची कारवाई करायला लावणार आहे. याबाबतची तक्रार खासदार नवनीत राणा यांनी लोकसभा अध्यक्ष यांना १२ जानेवारी २०२१ ला केली होती.
त्या तक्रारींवर इतर चार खासदारांच्या स्वाक्षऱ्या आहेत. ज्यामध्ये केंद्रीय राज्यमंत्री भारती पवार आणि खासदार हिना गावित यांच्या स्वाक्षऱ्या देखील होत्या. अखेर लोकसभा सचिवालय मधून २४फेब्रुवारी २०२२ ला उपसचिव यांनी ९ मार्च रोजी मुंबई पोलीस आयुक्त, अमरावती पोलीस आयुक्त डॉ आरती सिंग आणि तत्कालीन अमरावती पोलीस उपआयुक्त शशिकांत सातव यांना उपस्थित राहण्याची नोटीस बजावली आहे..
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
