आर्थिक स्थिती खालावली; सांगली जिल्ह्यातील या सहकारी बँंकेचा परवाना रद्द

 आर्थिक स्थिती खालावली; सांगली जिल्ह्यातील या सहकारी बँंकेचा परवाना रद्द

मुंबई : आर्थिकदृष्ट्या डबघाईला आलेल्या राज्यातील आणखी एका नागरी सहकारी बँकेचा बँकिग परवाना रद्द झाला आहे. रिझर्व्ह बँकेने बुधवारी सांगली जिल्ह्यातील सर्जेरावदादा नाईक शिराळा सहकारी बँकेचा परवाना रद्द केला. या बँकेवर प्रशासकाची नियुक्ती करण्याचे आदेश देण्यात आले असून बँकेतील ९९ टक्के ठेवीदार ठेव विमा योजनेसाठी पात्र असल्याचा दावा आरबीआयने केला आहे.चेक पेमेंटबाबत नियम बदलले ; 

PNB बँंकेने केला बदल, जाणून घ्या सविस्तर

मागील वर्षभरात रिझर्व्ह बँकेने राज्यातील किमान आठ सहकारी बँकांचे परवाने रद्द केले आहेत. बँकांचे भाग भांडवल, कर्ज वितरण आणि वसुली तसेच अनुत्पादित कर्जांचे प्रमाण याबाबत बँकिंग नियंत्रक अधिक सतर्क आहे. ज्या बँकांची आर्थिक स्थिती दयनीय आहे आणि अशा बँकांच्या लेखापरीक्षणात निदर्शनात आल्यानंतर रिझर्व्ह बँक त्यावर तातडीने कारवाई करत असल्याचे दिसून आले आहे.

व्हॉट्सअॅपद्वारे ‘आयपीओ’साठी अर्ज करा; या कंपनीनं IPO साठी सुरु केली नवीन सुविधा

सांगली जिल्ह्यातील सर्जेरावदादा नाईक शिराळा सहकारी बँकेच्या बाबतीत हाच निर्णय घेण्यात आला. रिझर्व्ह बँकेने बँकिंग परवाना रद्द केला आणि दैनंदिन बँकिंग व्यवहार बुधवार २ मार्च २०२२ पासून बंद करण्यात आले. याशिवाय राज्याच्या सहकार आयुक्तांना बँकेवर प्रशासक नियुक्त करून बँक बंद करण्याची प्रक्रिया सुरू करण्याचे आदेश दिले.

बँक अवसायनात गेल्यानं प्रत्येक ठेवीदार केंद्र सरकारच्या डिपॉझिट इन्शुरन्स अँड क्रेडिट गॅरंटी स्कीम (DICGC) अर्थात ठेवींवरील विमा आणि पत हमी महामंडळाच्या पाच लाख रुपयांच्या विमा भरपाईसाठी पात्र ठरणार आहे.सत्रतळातून व्यवहाराखेर घेतली मूल्यउभारी

सर्जेरावदादा नाईक शिराळा सहकारी बँकेच्या आकडेवारीनुसार बँकेतील ९९ टक्के ठेवीदार विमा भरपाईस पात्र आहेत. ज्यांना ठेवींची पूर्ण रक्कम परत मिळेल, असे रिझर्व्ह बँकेने म्हटले आहे. सर्जेरावदादा नाईक शिराळा सहकारी बँकेची आर्थिक स्थिती खालावली होती. भविष्यातील व्यावसायिक वृध्दी बाबत कोणतीही सकारात्मक योजना संचालक मंडळाकडे नव्हती. दैनंदिन व्यवसाय चालवणे अशक्य झाल्याने ठेवीदारांचे पैसे परत करण्याची बँकेची क्षमता संपुष्टात आली होती. त्यामुळे बँकिंग परवाना रद्द करून त्यावर प्रशासक नियुक्त करण्याचे आदेश देण्यात आल्याचे रिझर्व्ह बँकेने जारी केलेल्या निवेदनात म्हटले आहे.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.