"मी पुन्हा सांगतो, बाप-बेटे जेलमध्ये जाणार म्हणजे जाणार"
मुंबई : महाविकास आघाडी सरकारमधील नेत्यांना खोट्या गुन्ह्यात अडकवलं जात असल्याचा आरोप राज्य सरकारकडून वारंवार करण्यात येत आहे. त्यामुळे राज्यात भाजप आणि महाविकास आघाडी सरकारमध्ये चांगलंच वाकयुद्ध रंगलेलं पाहायला मिळत आहे.भाजप नेते किरीट सोमय्या यांनी वेळोवेळी पत्रकार परिषदा घेत महाविकास आघाडी सरकारमधील नेत्यांवर गंभीर आरोप केले. त्यानंतर शिवसेना खासदास संजय राऊत यांनीही किरीट सोमय्यांवर आरोपांच्या फैरी झाडल्या होत्या. त्यामुळे राज्यात संजय राऊत आणि किरिट सोमय्यांमध्ये कलगितुरा रंगला होता.
संजय राऊत यांनी ट्विट करत पुन्हा एकदा खळबळ उडवून दिली आहे. मी पुन्हा सांगतो, बाप-बेटे जेलमध्ये जाणार. बाप-लेका व्यतिरिक्त 3 सेंट्रल एजन्सी अधिकारी आणि त्यांचे वसुली एजंट देखील तुरूंगात जाणार, असा दावा संजय राऊतांनी केला आहे. तर महाराष्ट्र झुकणार नाही, असंही राऊतांनी ट्विटमध्ये म्हटलं आहे.
दरम्यान, संजय राऊतांनी हे ट्विट किरिट सोमय्या व त्यांचे पुत्र नील सोमय्या यांना उद्देशून केलं असल्याचं म्हटलं जात आहे. मुंबई सत्र न्यायालयाने नील सोमय्यांचा अटकपूर्व जामीन फेटाळल्यानंतर राऊतांनी हे ट्विट केलं त्यामुळे राजकीय वर्तुळात चर्चांना उधाण आलं आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
