मुंबईतील ईडीच्या कार्यालयाला भीषण आग, पाच तासांपासून विझविण्याचे शर्थीचे प्रयत्न सुरु
मुंबईतील एका बहुमजली इमारतीला आग लागल्यानंतर घबराट पसरली. या इमारतीत अंमलबजावणी संचालनालयाचे (ईडी) कार्यालय देखील आहे. अधिकाऱ्यांनी सांगितले की, अग्निशमन विभागाला रात्री उशिरा २:३१ वाजता आगीची माहिती मिळाली. मुंबईतील करीमभाई रोडवरील ग्रँड
हॉटेलजवळ आग लागलेली बहुमजली इमारत आहे. अधिकाऱ्यांनी सांगितले की,
कैसर-ए-हिंद इमारतीत आग लागल्याची माहिती मिळताच अग्निशमन दलाच्या पथकांनी
घटनास्थळी पोहोचून आग विझवण्यास सुरुवात केली.
अग्निशमन विभागाच्या माहितीनुसार,सुमारे
एक तासाच्या अथक परिश्रमानंतर पहाटे साडेतीन वाजेपर्यंत आग मोठ्या
प्रमाणात आटोक्यात आली. अग्निशमन दलाच्या अधिकाऱ्यांच्या मते, ही आग
लेव्हल-२ ची होती, जी सामान्यतः मोठी दुर्घटना मानली जाते. बृहन्मुंबई
महानगरपालिकेच्या (बीएमसी) अधिकाऱ्याने सांगितले की, आग पाच मजली
इमारतीच्या चौथ्या मजल्यापर्यंत लागली होती.
ज्या इमारतीला आग लागली ती इमारत कैसर-ए-हिंद इमारत म्हणून ओळखली जाते. सकाळीही अग्निशमन दलाचे पथक आग आटोक्यात आणण्याचा प्रयत्न करत होते. इमारतीतून धूर निघताना दिसत होता. आगीमुळे झालेल्या नुकसानीचा अंदाज अद्याप येऊ शकला नाही. कैसर-ए-हिंद इमारतीच्या चौथ्या मजल्यावर आग लागली आहे आणि ईडीचे कार्यालय याच मजल्यावर आहे.कैसर-ए-हिंद इमारतीत ईडी कार्यालयाव्यतिरिक्त इतर अनेक सरकारी कार्यालये आहेत. गेल्या पाच तासांपासून अग्निशमन दलाच्या गाड्या आगीवर नियंत्रण मिळवण्याचा प्रयत्न करत आहेत. इमारतीच्या वरच्या भागातून अजूनही धूर येत असल्याचे दिसून येत आहे. सध्या या आगीमुळे कोणत्याही जीवितहानी झाल्याचे वृत्त नाही. मात्र मोठे नुकसान झाल्याचा अंदाज व्यक्त केला जात आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
