स्टार्टअप आणि नाविन्यता आधारित ज्ञान कार्यक्रमात सहभागी होण्याचे आवाहन
सांगली दि. 19 : राज्यात नाविन्यता कल्पनांना पाठिंबा देण्याच्या उद्देशाने महाराष्ट्र राज्य नाविन्यता सोसायटी व सिस्को लॉचपॅड च्या सहकार्याने भारताच्या टेक्नोप्रन्योरशिप मालिकेच्या महाराष्ट्र आवृतीचे आयोजन करत आहे. त्यानुसार सुरुवातीच्या टप्प्यात तरुण विद्यार्थ्यांसाठी स्टार्ट-अप, व्यवसाय- उद्योजकांसाठी आधारित ज्ञान सत्र आणि तंत्रज्ञान आयोजित केले जाईल. यामध्ये शीर्ष नवोदित आणि स्टार्टअपना त्यांच्या कल्पना संबंधित भागधारकांपर्यंत पोहोचण्यासाठी एक व्यासपीठ मिळेल. ज्ञान सत्र उद्योग आणि पर्यावरणातील तज्ज्ञांव्दारे दि. 25 ते 29 एप्रिल 2022 व दि. 2 ते 6 मे 2022 या कालावधीत कार्यक्रमाचे आयोजन करण्यात येत आहे. या कार्यक्रमात नाव नोंदणी करून जास्तीत जास्त विद्यार्थ्यांनी व आस्थापनांनी सहभागी व्हावे, असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त ज. बा. करीम यांनी केले आहे.
या उपक्रमाव्दारे, महाराष्ट्र राज्य इनोव्हेशन सोसायटीव्दारा एक व्यासपीठ उपलब्ध करुन देण्यांच्या दिशेने एक पाऊल पुढे टाकण्याचे उद्दिष्ट ठेवले असून नवोदित आणि उद्योजकांना त्यांची कल्पना कशी तयार करावी, टिकवून ठेवावी, विस्तारित व्हावे आणि मोठे कसे करावे याचे ज्ञान दिले जाईल. तसेच या कार्यक्रमात उत्पादन विकास, डिझाइन विचार, तंत्रज्ञान व आर्थिक व्यवस्थापन व्यवसाय ज्ञानाचा एक भाग म्हणून निधी कसा उभारावा यासारख्या विस्तृत विषयाचा समावेश आहे. सांगली जिल्ह्यातील उत्सुक उद्योजक, विद्यार्थी आणि स्टार्ट-अपचे संस्थापक यांच्याकडून अर्ज मागविण्यात येत असून https://cs.co/CLAPMaharashtra या वेबसाईटवर नाव नोंदणी करुन कार्यक्रमात उपस्थित राहण्यासाठी स्टार्ट-अप आणि त्याच्या इकोसिस्टमबद्दल मौल्यवान माहिती मिळविण्यासाठी जास्तीत जास्त विद्यार्थ्यांनी व सर्व आस्थापनांनी या कार्यक्रमात सहभागी व्हावे, असे आवाहन श्री. करीम यांनी केले आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
