कोणत्या राजाने आपल्याच वडिलांचा खून करून केलं आईशी लग्न?

कोणत्या राजाने आपल्याच वडिलांचा खून करून केलं आईशी लग्न?

मुंबई : असे अनेल लोक आहेत ज्यांना इतिहास वाचायला आणि त्यातील गुढ जाणून घ्यायला फार आवडते. खरंतर इतिहासात असे अनेक गुढ लपले आहेत, ज्याची उकल आजही झालेली नाही. त्यामुळे लोक त्याबद्दल अजून-अजून जाणून घेण्याचा प्रयत्न करतात. अशात एका इतिहासातील विचित्र कहाणी आहे. खरंतर हा राजा आपल्याच वडिलांचा वध करतो आणि आपल्याच आईशी लग्न करतो. तुम्हाला त्या राजाबद्दल माहितीय का? आता तुम्हाल इतिहासातील या आगळ्या वेगळ्या कहाणीबद्दल जाणून घेण्याची नक्कीच इच्छा झाली असेल. चला याबद्दल सविस्तर जाणून घेऊ.

 

या राजाचं नाव आहे ओडिपस. ‘ओडिपस द किंग" (Oedipus Rex) या नाटकात त्याच्यासंबंधीत ही माहिती सांगितली गेली आहे. ओडिपसने आपल्याच वडिलांची हत्या करुन आपल्याच आईशी लग्न केलं. पण ओडिपसला या बद्दल आधी कल्पना नव्हती. जेव्हा हे सत्य उघड झालं तेव्हा ओडिपसने स्वत:ला त्रास करुन घेतला आणि त्याच्या आईने (नंतर बायको) स्वत:ला संपवलं. थेब्सच्या राजा लायस आणि राणी जोकोस्ता यांना एक भाकीत मिळालं होतं की त्यांचा मुलगा मोठा झाल्यावर आपल्या वडिलांचा वध करेल आणि आपल्या आईशी विवाह करेल. या भाकीतामुळे घाबरून त्यांनी आपल्या नवजात मुलाला डोंगरावर सोडून देण्याचा निर्णय घेतला.

पण एक मेंढपाळ त्या बाळाला वाचवतो आणि तो कोरिंथच्या राजाकडे पोहोचतो. कोरिंथचा राजा त्याला ओडिपस असे नाव देऊन स्वतःचा दत्तक पुत्र म्हणून वाढवतो. ओडिपसला मोठा झाल्यावर हे कळते की त्याच्या नशिबात त्याच्या वडिलांचा वध करणे आणि आपल्या आईशी विवाह करणे आहे. त्याला वाटते की कोरिंथचा राजा आणि राणी त्याचे खरे पालक आहेत, त्यामुळे हे टाळण्यासाठी तो कोरिंथ सोडून देतो.

प्रवासात, तो एका अनोळखी वृद्धाशी वाद घालतो आणि संतापाच्या भरात त्याचा वध करतो. पुढे जाऊन, तो थेब्स नगरीत पोहोचतो, जिथे स्फिंक्स नावाच्या राक्षसाचा उपद्रव सुरू असतो. ओडिपस स्फिंक्सच्या कोड्याचे उत्तर देऊन त्या शहराला संकटातून सोडवतो. त्यामुळे थेब्सचे नागरिक त्याला आपला राजा बनवतात आणि तो त्या नगराच्या विधवा राणीशी म्हणजेच जोकोस्ताशी विवाह करतो, जी प्रत्यक्षात त्याची जन्मदात्री आई असते.

काही वर्षांनी, जेव्हा थेब्समध्ये महामारी पसरते, तेव्हा ओडिपस सत्य शोधण्यासाठी एक तांत्रिकाला (Oracle) विचारतो. सत्य बाहेर येताच, जोकोस्ता स्वतःला फाशी लावते आणि ओडिपस स्वतःच्या डोळ्यांवर सूऱ्याने घाव घालून अंध होतो. ही कथा नियतीच्या अपरिहार्यतेवर आणि मानवी गर्वावर (hubris) भाष्य करते. ओडिपसने भाकीत टाळण्याचा प्रयत्न केला, तरीही त्याचं नियतीने ठरवलेलं भयानक भविष्य पूर्ण झालं. ही कथा ग्रीक नाट्यकलेतील सर्वात प्रभावी आणि लोकप्रिय शोकांतिका मानली जाते. 

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.