चीनमध्ये जमा केले जात आहे शाळेतील मुलांचे मूत्र! वाचून बसेल धक्का
बीजिंग: अनेक विषाणूंचे 'जन्मस्थान' असलेल्या चीनवरही त्याच्या विचित्र खाण्याच्या सवयींबद्दल टीका केली जाते. असे म्हटले जाते की चीन हा असा देश आहे जिथे सर्व प्रकारचे प्राणी, पक्षी, कीटक मारले जातात आणि खाल्ले जातात. तिथे असे काही पदार्थ आहेत ज्यांची तुम्ही कल्पनाही करू शकत नाही. असाच एक पदार्थ म्हणजे - व्हर्जिन बॉय एग. तुम्हाला हे जाणून आश्चर्य वाटेल की व्हर्जिन बॉय एग बनवण्यासाठी व्हर्जिन मुलांच्या मूत्राचा वापर केला जातो. चीनमधील झेजियांग प्रांतातील डोंगयांगमध्ये अंडी मुलांच्या मूत्रात उकळली जातात आणि नंतर ती खाल्ली जातात. डोंगयांगमध्ये व्हर्जिन बॉय एग खूप प्रसिद्ध आहे. स्थानिक लोक त्याला 'तौंगजी दान' म्हणतात. या पदार्थाचे 'सांस्कृतिक महत्त्व' देखील नमूद केले आहे.
एका वृत्तानुसार, चीनमध्ये ईस्टरच्या निमित्ताने व्हर्जिन बॉय एग खाण्याची परंपरा आहे. डोंगयांगमध्ये ईस्टर सण मोठ्या थाटामाटात साजरा केला जातो. ईस्टरच्या आगमनाचा आनंद साजरा करण्यासाठी, लोक व्हर्जिन बॉय एग नावाचा हा खास पदार्थ बनवतात आणि तो खूप चवीने खायला आवडतात. या पदार्थाबद्दल जाणून घेतल्यावर तुम्हाला कदाचित किळसही वाटेल! हे अविवाहित मुलांच्या, विशेषतः किशोरवयीन किंवा अगदी लहान मुलांच्या मूत्रात तयार केले जाते. कोंबडीची अंडी मूत्रात बुडवून ठेवली जातात. प्रथम, कोंबड्यांची अंडी त्यांच्या कवचासह अविवाहित मुलांच्या मूत्रात उकळली जातात. नंतर अंडी सोलून पुन्हा उकळत्या मूत्रात टाकली जातात. अशाप्रकारे अंड्यांमध्येही मूत्राची चव येते. 'डोंगयांग'चे लोक इस्टरच्या आधी मुलांच्या मूत्रात अंडी उकळण्याची ही खास डिश बनवण्यास सुरुवात करतात. मुलांचे मूत्र गोळा करण्यासाठी शाळांमध्ये अनेक दिवस आधीच बादल्या ठेवल्या जातात. अविवाहित किशोरवयीन मुलांच्या मूत्राचा वापर करून बनवण्यात येणारी ही डिश व्हर्जिन बॉय एग म्हणून ओळखली जाऊ लागली.
प्रश्न असा आहे की लोक मूत्रात उकडलेले अंडे का खातात? ईस्टरच्या निमित्ताने ही डिश बनवणाऱ्या एका शेफने एका मीडिया रिपोर्टमध्ये त्यामागील कारण स्पष्ट केले होते. तिथल्या लोकांचा असा विश्वास आहे की व्हर्जिन बॉय अंडी खाल्ल्याने रक्ताभिसरण सुधारते आणि त्यामुळे ऊर्जा देखील मिळते. अहवालांनुसार, मुलांच्या मूत्रात अंडी उकळल्याने अंड्यांचा स्वाद थोडा खारट होतो. चिनी लोकांचा असा विश्वास आहे की कुमारी मुलाची अंडी खाल्ल्याने ताप येत नाही. यामुळे सर्दी आणि खोकलाही होत नाही. जर तुम्हाला सुस्ती वाटत असेल तर व्हर्जिन अंडी खाल्ल्याने शरीराला ताजेपणा येतो. अशा विचित्र पदार्थांसाठी चीनवर अनेकदा टीका केली जाते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
