दुर्दैवी..! पाण्याची टाकी साफ करताना पाच कामगारांचा गुदमरून मृत्यू
मुंबई : मुंबईमधून एक धक्कादायक घटना समोर आली आहे. पाण्याच्या टाकीची सफाई करताना पाच कामगारांचा दुर्दैवी मृत्यू झाल्याची घटना घडली आहे. बईतल्या नागपाडा येथील बिस्मिल्लाह स्पेस बिल्डिंग जवळ रविवारी दुपारी दीडच्या सुमारास ही घटना घडली. या ठिकाणी एका इमारतीची पाण्याची टाकी
साफ करत असताना ५ कामगार बेशुद्ध पडले. त्यांना तात्काळ जे जे रुग्णालयात
दाखल करण्यात आले. मात्र उपचारापूर्वीच त्यांचा मृत्यू झाल्याचे डॉक्टरांनी
सांगितले.
याबाबत मिळालेल्या माहितीनुसार, मुंबईतल्या नागपाडा परिसरातील बिस्मिल्ला स्पेस बिल्डिंगमध्ये ही घटना घडली. ही बिल्डिंग दिमटिमकर रोडवरील गुड लक मोटर ट्रेनिंग स्कूलजवळ आहे. या बिल्डिंगमधील पाण्याची टाकीच्या सफाईचे काम सुरू होते. पाण्याच्या टाकीची सफाई करण्यासाठी पाच सफाई कामगार टाकीत उतरले होते. पण गुदमरल्यामुळे ते आतमध्येच बेशुद्ध पडले. त्यांना पाण्याच्या टाकीतून बाहेर काढून तात्काळ नजीकच्या जे जे रुग्णालयात उपचारासाठी दाखल करण्यात आले. मात्र, तपासून डॉक्टरांनी मृत घोषित केले. या घटनेमुळे परिसरात मोठी खळबळ उडाली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
