पर्सनल लोन घ्यायचा विचार करताय? हे 5 धोके जाणून घ्या, नाहीतर रडकुंडीला याल!
मुंबई : लग्न, मेडिकल इमर्जन्सी किंवा मोठा खर्च भागवण्यासाठी लोक अनेकदा पर्सनल लोन घेतात. पण, विचार न करता घेतलेले लोन तुमची आर्थिक परिस्थिती बिघडवू शकतात हे तुम्हाला माहीत आहे का?
चला तर मग, कोणत्या 5 गोष्टींकडे लक्ष द्यायला हवं ते पाहूया.
लोन घेण्यापूर्वी योग्य बँक/NBFC निवडा. फक्त १५ मिनिटांत लोन मिळतं म्हणून ते विश्वासार्हच असतं असं नाही. RBI रजिस्टर्ड बँक/NBFC कडूनच लोन घ्या. रेटिंग, रिव्ह्यूज, अधिकृत माहिती तपासा. अनधिकृत लेंडरकडून लोन घेतल्यास तुमची माहिती आणि शांतता धोक्यात येऊ शकते.
लोक EMI आणि व्याजावर लक्ष देतात, पण प्रोसेसिंग फीकडे दुर्लक्ष करतात. काही बँका/NBFC फिक्स्ड रक्कम आकारतात, तर काही २% ते ५% आकारतात. ५ लाखांच्या कर्जावर ३% म्हणजे १५,००० रुपये जास्त द्यावे लागतील. म्हणून तुलना करा.
जास्त कर्ज घेतल्यास EMI चा बोजा वाढतो आणि कर्जबाजारी होता. कर्ज घेण्यापूर्वी उत्पन्न, खर्च आणि बचतीचा विचार करा. जेवढे झेपेल तेवढेच कर्ज घ्या आणि लवकर परतफेड होईल याचे नियोजन करा.काही बँका/NBFC सर्व शुल्क स्पष्ट सांगत नाहीत. नंतर प्रीपेमेंट, फोअरक्लोजर, लेट पेमेंट पेनल्टी असे छुपे शुल्क भरावे लागतात. करार नीट वाचा, रिव्ह्यूज पहा, सर्व अटी लेखी स्वरूपात घ्या.व्याजदर हा महत्त्वाचा घटक आहे. वेगवेगळ्या बँका/NBFC च्या व्याजदरांची तुलना करा. सध्या १०% ते २४% व्याजदर आहेत. कमी व्याजदर म्हणजे कमी EMI आणि कमी बोजा.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
