इंडस्ट्रीवर राज्य, चैनीत जगण्यासाठी केला देह व्यापार; दर्ग्याबाहेर नको त्या अवस्थेत सापडली, अभिनेत्रीची हृदयद्रावक कहाणी
मुंबई: इंडस्ट्रीमध्ये कलाकारांचं आयुष्य ग्लॅमरने भरलेलं वाटत असलं तरी तसं नसतं. प्रत्येकाच्या आयुष्यात अडचणी असतात. अनेक कलाकार असे आहेत, जे यशाच्या शिखरावर असताना त्यांची कारकीर्द अचानक कोलमडली. त्यानंतर त्यांना आर्थिक अडचणींचा सामना करावा लागला. आज आपण अशाच एका अभिनेत्रीबद्दल जाणून घेणार आहोत. या अभिनेत्रीवर जेव्हा आर्थिक संकट आलं तेव्हा तिने देहव्यापार केला. शेवटच्या क्षणी, अभिनेत्री अशा अवस्थेत आढळली की तिच्या शरीरात किडे पडले होते. शरीरावर मुंग्या होत्या.
ती एक छोटी अभिनेत्री नव्हती तर एक प्रसिद्ध दाक्षिणात्य अभिनेत्री होती जिनं सर्वात मोठे सुपरस्टार रजनीकांत आणि कमल हासन यांच्यासोबत देखील काम केलंय. तिनं या दोघांसोबत असे चित्रपट दिले की, प्रत्येकजण तिच्या सुंदर चेहऱ्याचे आणि प्रतिभेचं कौतुक करत राहिलं. पण एक वेळ अशी आली की तिला काम मिळणं बंद झालं. या नायिकेचं नाव निशा नूर होतं. निशाने दाक्षिणात्य इंडस्ट्रीत खूप नाव कमावलं. पण नशिबा असं फिरलं की, ती कामावर अवलंबून राहिली आणि उदरनिर्वाहासाठी वेश्याव्यवसायाच्या दलदलीत शिरली. या व्यवसायात फुलं नव्हती.. फक्त काटे होते.
या दलदलीत निशा एड्सची शिकार बनली, त्यामुळे तिला खूप मोठा धक्का बसला. त्यामुळे नंतर तिला कोणी विचारलंही नाही. तिच्या स्वतःच्या कुटुंबाने सर्व संबंध तोडले. निशा नूरने १९८० मध्ये 'मंगला नायगी' या तमिळ चित्रपटातून तिच्या करिअरची सुरुवात केली. त्यानंतर तिनं 'टिक टिक टिक', 'अय्यर द ग्रेट', 'चुवाप्पू नादा', 'मिमिक्स अॅक्शन ५००', 'इनिमाई इधो इधो' यासारख्या चित्रपटांमध्ये ५ वर्षे काम केलं. निशाने १९८० ते १९८६ पर्यंत इंडस्ट्रीवर राज्य केलं. या काळात तिनं साऊथचे दिग्गज दिग्दर्शक के. बालचंदर, विसू आणि चंद्रशेखर यांच्यासोबतही काम केलं.पण १९८६ नंतर निशा नूरची कीर्ती इंडस्ट्रीमध्ये कमी होऊ लागली. त्यानंतर ९० च्या दशकात ती कामावर अवलंबून राहिली. या काळात निशाला चैनीचं जीवन जगण्याची सवय झाली होती. आता पैसे नसणं हा तिच्या आयुष्यातील सर्वात कठीण टप्पा बनला होता. त्यावेळी एका निर्मात्याने तिला वेश्याव्यवसायात जाण्याचा सल्ला दिला आणि या व्यवसायात अमाप संपत्ती आहे असं सांगून तिला आमिष दाखवलं. निशाला यातून बाहेर पडण्याचा कोणताही मार्ग सापडला नाही, ती या दलदलीत शिरली आणि इतकी अडकली की तिला एड्ससारखा आजार झाला. अशा परिस्थितीत ती हळूहळू इंडस्ट्री आणि लाइमलाइटपासून दूर झाली.२००७ मध्ये निशा नूर एका दर्ग्याबाहेर पडलेली आढळली. तिच्या शरीरावर कमी कपडे होते आणि शरीरावर किडे रेंगाळत होते आणि तिचं शरीर सांगाड्यासारखे झालं होतं. मग तिला कसं तरी एका NGOमध्ये नेण्यात आलं. पण नूरची प्रकृती खूपच खालावली होती. ती एक आठवडाही जगू शकली नाही आणि २००७ मध्ये चेन्नईतील तांबरम येथे तिचा मृत्यू झाला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
