रविवारची सुट्टी अन् नॉनवेजचा बेत, पण त्यानेच घेतला जीव; चिकनमुळे कुटुंबाचा आधार गेला, लेकींचा आक्रोश पाहवेना
हैदराबाद: एका ऑटो रिक्षाचालकाचा घशात चिकनचे हाड अडकल्याने मृत्यू झाल्याची घटना घडली आहे. ही घटना रविवारी तेलंगणातील राजन्ना सिरसिल्ला जिल्ह्यातील येल्लारेड्डीपेट मंडलमधील गोल्लापल्ली येथे घडल्याची माहिती आहे. या तरुणाच्या मृत्यूनंतर त्याचे कुटुंब असह्य झाले आहे. त्याच्या पश्चात त्याची पत्नी आणि दोन मुली आहेत. तो ऑटो रिक्षा चालवून आपल्या कुटुंबाचा उदरनिर्वाह करत होता. आता त्याच्या मृत्यूमुळे कुटुंबावर शोककळा पसरली आहे. तसेच, आर्थिक अडचणही निर्माण झाली आहे.
रविवारी सुट्टीला घरी चिकन खाताना घडली घटना
याप्रकरणी स्थानिकांकडून मिळालेल्या माहितीनुसार, गोल्लापल्ली येथील केसीआर डबल बेडरूम कॉलनीतील रहिवासी 45 वर्षीय सुरेंद्र ट्रॉली-रिक्षा चालवून आपल्या कुटुंबाचा उदरनिर्वाह करत होता. रविवारी ते सुट्टीवर होते आणि घरी चिकन बनवत होते. घरी कुटुंबासोबत एकत्र जेवण करत असताना सुरेंद्रच्या घशात चिकनचे हाड अडकले.सुरेंद्र यांच्या घशात अडकलेल्या हाडामुळे त्यांना हळूहळू श्वास घेण्यास त्रास होऊ लागला आणि ते गुदमरू लागला. हाड बराच काळ त्याच्या घशात अडकून राहिले ज्यामुळे अखेर गुदमरुन त्यांचा मृत्यू झाला. एकुलता एक आधार गेल्याने सुरेंद्र यांच्या कुटुंबाने एकच आक्रोश केला. त्यांचे कुटुंब आणि मुले सुरेंद्रच्या मृत्यूमुळे असह्य झाले आहेत. त्यांच्या मुली सतत रडत आहेत. या घटनने त्यांच्या कुटुंबावर दुःखाचा डोंगर कोसळला आहे. सुरेंद्र यांच्यासोबतही असंच काहीसं घडलं आहे. त्यांच्या घशात कोंबडीचे हाड अडकले, ज्यामुळे ते गुदमरले, त्यांना श्वास घेण्यास त्रास होऊ लागला आणि त्यात त्यांचा मृत्यू झाला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
