मैदानी चाचणीसाठी उत्तेजीत इजेक्शनचा वापर :, उमेदवार ताब्यात

मैदानी चाचणीसाठी उत्तेजीत  इजेक्शनचा वापर :, उमेदवार ताब्यात 

महाराष्ट्र पोलीस दलामार्फत राज्यात 19 जूनपासून भरती प्रक्रिया सुरु झाली आहे. काही ठीकाणी पावसामुळे भरती प्रक्रिया पुढे ढकलली आहे. 17 हजार पदांसाठी 17 लाख 76 हजार 256 अर्ज आले आहेत. तर कारागृह विभागातील 1800 पदांसाठी 3, 72,000 हून अधिक अर्ज दाखल झाले आहेत. बीडमध्ये 170 जागांसाठी पोलीस भरती होत आहे. यासाठी 8400 उमेदवारांनी अर्ज दाखल केले असून बुधवारपासून प्रक्रिया सुरु झाली. ही भरती प्रक्रिया सुरु असताना 21 जून रोजी एक धक्कादायक प्रकार घडल्याचे समोर आले आहे. भरतीसाठी सकाळी आलेल्या एका उमेदवाराने मैदानी चाचणीसाठी उत्तेजित द्रव्याचं इंजेक्शन घेतल्याचा प्रकार घडला. सध्या त्याच्यावर शिवाजी नगर पोलीस ठाण्यात गुन्हा दाखल करण्याची प्रक्रिया सुरु आहे.

राज्यात 17 हजार 471 जागांसाठी भरती होणार आहे. यासाठी 17 लाख 76 हजार 256 अर्ज आले. बँड्समन पदासाठी 41 जागा आहेत त्यासाठी 32 हजार 26 जणांनी अर्ज केले. कारागृह विभागातील शिपाई पदासाठी 1800 जागा उपलब्ध असून 3 लाख 72 हजार 354 अर्ज आले आहेत. बीड जिल्ह्यातील उमेदवारांची भरती पक्रिया सुरु होती. जिल्ह्यात पोलीस भरतीसाठी पोलिसांचा तगडा बंदोबस्त असून उमेदवारांची कसून तपासणी सुरु आहे. आज सकाळी मांडवजाळी येथील संशयित सुनील बहिरवाळ (वय-24) हा तरुण मैदानी चाचणीसाठी आला होता. पोलिसांनी त्याला चाचणीसाठी मैदानात सोडताना त्याचा संशय आल्याने त्याची तपासणी केली. यावेळी त्याने उत्तेजित द्रव्याचं इंजेक्शन घेतल्याचे समोर आले. यानंतर अधिक चौकशी केली असता बॅगमध्येही उत्तेजित द्रव्याचे इंजेक्शन पोलिसांना आढळून आले आहे.

दरम्यान या प्रकरामुळे जिल्ह्यात खळबळ उडाली असून शिवाजी नगर पोलीस ठाण्यात याप्रकरणी गुन्हा दाखल करण्याची प्रक्रिया सुरु असल्याची माहिती पोलीस विलास मोरे पाटील यांनी दिली आहे. काही उमेदवार भरती प्रक्रिया पार करण्यासाठी अशा द्रव्यांचे सेवन करीत असल्याच्या काही घटना समोर आल्या आहेत. स्नायूंची ताकद वाढविण्यासाठी काही उत्तेजक द्रव्यांची मदत होत असल्याने उमेदवार त्या वापरताना दिसतात.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.