देशी दारू का असते विषारी? त्यात नेमकं असं काय असते?
मुंबई : दारु आरोग्यासाठी जराही चांगली नाही, पण तरीही लोक त्याला पितात. कोणतीही पार्टी असोत ती दारुशिवाय अपूर्णच आहे. सहसा बरेच लोक इंग्लिश किंवा ब्रँडची दारु पितात. पण तरीही समाजात असा एक वर्ग आहे, जो अजूनही देशी दारु पितो. कारण
देशी दारू इंग्रजी दारूपेक्षा खूपच स्वस्त आहे. ज्यामुळे ग्रामीण भागात ही
दारु पितात. ज्याला कोणी चपटी, तर कोणी हातभट्टी या नावाने ओळखतो.
तुम्ही अनेकदा लोकांना बोलताना ऐकलं असेल की देशी दारु ही विषारी असते, त्यामुळे ती न प्यायलेलीच बरी. पण या दारुत असं काय असतं जे या दारुला विषारी बनवतं? आज आम्ही तुम्हाला सांगणार आहोत की दारू विषारी असण्यामागील कारण काय आहे.
देशातील विविध राज्यांमध्ये सरकारी परवान्यावर देशी दारूची दुकाने सुरू आहेत. पण याशिवाय अनेक ठिकाणी आणि विशेषतः ग्रामीण भागात लोक अवैध दारूच्या भट्ट्या चालवतात, जिथे देशी दारू किंवा दारू स्वस्त दरात मिळते. अनेक वेळा अवैध दारू भट्टीमध्ये तयार होणारी दारू विषारी बनते, त्यामुळे अनेकांचा मृत्यू होतो. यासंबंधीत अनेक बातम्या समोर आल्या आहेत.आम्ही तुम्हाला सांगतो की, देशी आणि इंग्रजी मद्य बनवण्यात फारसा फरक नाही. दोन्ही बनवण्याची पद्धत जवळपास सारखीच आहे. अनेक दशकांपासून चालत आलेल्या प्रक्रियेतून देशी दारू पारंपारिकपणे तयार केली जाते. ज्यामध्ये ते मोलॅसिस आणि इतर कृषी उत्पादनांपासून बनवले जाते. पॉलिथिन फॉइल किंवा प्लास्टिकच्या बाटल्यांमध्ये देशी दारू मिळते हे तुम्ही पाहिले असेलच. देशी दारू देशाच्या वेगवेगळ्या भागात वेगवेगळ्या नावाने ओळखली जाते.भारतात विकल्या जाणाऱ्या दारूपैकी दोन तृतीयांश मद्य हे देशी दारूचे आहे. एका माहितीनुसार, भारतात सुमारे 242 दशलक्ष देशी दारूची विक्री होते. हे देशातील मद्य उद्योगाच्या 30 टक्क्यांहून अधिक आहे. तसेच त्यात दरवर्षी सात टक्के वाढ होत आहे. त्यात अल्कोहोलची टक्केवारी केवळ 42.5 आहे. देशी दारू पिणे देखील हानिकारक असू शकते कारण ते एकापेक्षा जास्त वेळा गाळले जात नाही.
पाटणा येथील ऑल इंडिया इन्स्टिट्यूट ऑफ मेडिकल सायन्सेसचे अधीक्षक डॉ सीएम सिंह यांनी सांगितले की, बेकायदेशीरपणे तयार केलेल्या दारूमध्ये वापरल्या जाणाऱ्या पदार्थांचे इथाइल अल्कोहोलऐवजी मिथाइल अल्कोहोलमध्ये रूपांतर होते. अल्कोहोलचे इथाइल अल्कोहोलऐवजी मिथाइल अल्कोहोलमध्ये रूपांतर झाले की ते विषारी बनते. यानंतर, त्यामध्ये असलेल्या अल्काइलचा थेट परिणाम मद्यपान करणाऱ्याच्या मेंदूवर होतो. ज्यामुळे माणसाचा मृत्यू होतो.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
