Breaking News

6/recent/ticker-posts

Sangli Darpan

Krushnakath News

शिंदे तयार नव्हते, आम्ही समजूत काढली; मंत्री गुलाबराव पाटलांचा मोठा खुलासा

शिंदे तयार नव्हते, आम्ही समजूत काढली; मंत्री गुलाबराव पाटलांचा मोठा खुलासा
 

राज्यात महायुतीला प्रचंड बहुमत मिळाल्यानंतरही सत्तास्थापनेला बराच वेळ लागला होता. मुख्यमंत्री फडणवीस झाले, तर एकनाथ शिंदे यांनी उपमुख्यमंत्रीपदाची शपथ घेतली. तेव्हा एकनाथ शिंदे हे उपमुख्यमंत्रीपद घेण्यास तयार नव्हते असा खुलासा मंत्री गुलाबराव पाटील यांनी केलाय.

आम्ही सर्व आमदारांनी एकनाथ शिंदेंची समजूत काढली आणि त्यांना सांगितलं की तुम्ही सत्तेत असलं पाहिजे. गुलाबराव पाटील म्हणाले की, आपल्या सरकारच्या काळात देवेंद्र फडणवीस यांनी मोठं मन दाखवलं. आपणही आता त्यांच्या सरकारमध्ये मोठेपणा दाखवला पाहिजे असं आम्ही शिंदेंना सांगितलं. कारण सरकार येण्यात एकनाथ शिंदे नावाची मोठी ताकद होती. जळगावात गुलाबराव पाटील यांचा नागरी सत्कार करण्यात आला. यावेळी आय़ोजित कार्यक्रमात ते बोलत होते.

एकनाथ शिंदे यांनी सर्व आमदारांनी केलेल्या विनंतीचा मान ठेवला आणि राज्याचं उपमुख्यमंत्रीपद स्वीकारलं. मंत्री आणि पालकमंत्री पदासाठी काही अडचणी आल्या. मंत्री होण्यासाठी अनेक जिल्ह्यात सिनियर आमदारही होते. काही जण तीन तीन वेळा आमदार झाले होते. राज्यात ४० आमदार असे आहेत जे तिसऱ्यांदा निवडून आलेत. मंत्रीपदासाठी लॉबिंग करायला मी कुठेच गेलो नाही. ज्या माणसाला पद द्यायचं असतं त्याच्यासमोर किती अडचणी असतात ते माहिती आहे. तिसऱ्यांदा मंत्रीपदाची संधी मला मिळाली असंही गुलाबराव पाटील म्हणाले. उद्धव ठाकरे, एकनाथ शिंदे आणि आता देवेंद्र फडणवीस यांच्या सरकारमध्येही मला पाणी पुरवठा खातं मिळालं. राज्यातलं हे असं पहिलंच उदाहरण असेल असंही गुलाबराव पाटील म्हणाले.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.