ट्रॅक्टरला धडक देत कर्नाटकची एसटी बस ३० फुट खड्ड्यात कोसळली म्हैसाळजवळ अपघातात प्रवाशी किरकोळ जखमी
कर्नाटक एसटी बस व ट्रॅक्टरच्या अपघातात बस 30 फूट खोल खड्ड्यात उलटली. यामध्ये काही प्रवाशी जखमी झाले असून बस चालकाचा पाय मोडला आहेत. आज, बुधवारी सकाळी म्हैसाळजवळ हा अपघात झाला.
कर्नाटक महामंडळाची (के ए 23 एफ 1005) बस आज सकाळी म्हैसाळहून कागवाडच्या दिशेने जात होती. त्यावेळी म्हैसाळच्या दिशेने ऊस वाहतूक करणारा ट्रॅक्टर (एमएच 10 डी एन 9557) येत होता. यावेळी एसटी बसची आणि ट्रॅक्टरची धडक झाली. त्यावेळी चालकाचा ताबा सुटल्याने बस ३० फुट खोल खड्ड्यात कोसळली. या बसमधून सुमारे ४० प्रवाशी प्रवास करीत होते. अपघातानंतर म्हैसाळ येथील तरूणांनी प्रवाशांना सुखरूप बाहेर काढले. बसचा चालक बस मात्र बराच वेळ अडकला होता. बस चालकाचा पाय मोडला आहे. या अपघातातील सर्व जखमीवर मिरज येथील शासकीय रूग्णालयात उपचार सुरू आहेत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
