Breaking News

6/recent/ticker-posts

Sangli Darpan

Krushnakath News

चेन स्नॅचिंग करणारा आंतरराज्य चोरटा जेरबंद , सांगली एलसीबीची कारवाई

चेन स्नॅचिंग करणारा आंतरराज्य चोरटा जेरबंद , सांगली एलसीबीची कारवाई
 

सांगली :- सांगली जिल्ह्यात तसेच कर्नाटकात चेन स्नॅचिंग करणाऱ्या आंतरराज्य चोरट्याला अटक करण्यात आली आहे. त्याच्याकडून चार गुन्हे उघडकीस आणून चोरीचे दागिने, दुचाकी असा 4.06 लाखांचा मुद्देमाल जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.

मेहंदी हसन अक्रम अली सय्यद (वय 38, रा. चिद्रीरोड हुसेणी कॉलनी, चदरी, बिदर. कर्नाटक) असे अटक केलेल्याचे नाव आहे. जिल्ह्यात विविध ठिकाणी झालेल्या चेन स्नॅचिंगचे गुन्हे उघडकीस आणून चोरट्याना अटक करण्यासाठी निरीक्षक शिंदे यांनी सहायक निरीक्षक पंकज पवार यांचे एक पथक तयार केले होते. पथकातील सागर लवटे, विक्रम खोत यांना रेकॉर्डवरील चोरटा सय्यद हा चोरीचे दागिने विक्री करण्यासाठी सूतगिरणी ते कुपवाड रस्ता परिसरात येणार असल्याची माहिती खबऱ्याद्वारे मिळाली.

पथकाने कुपवाड रस्ता परिसरात सापळा रचला. सय्यद तेथे दुचाकीवरून आल्यावर पथकाने त्याला ताब्यात घेतले. त्याची झडती घेतल्यावर त्याच्याजवळ दागिने सापडले. त्याबाबत कसून चौकशी केल्यावर त्याने सांगलीतील त्रिकोणी बाग, नागराज कॉलनी, मिरजेतील अंबाबाई रेसिडेन्सी, ब्राह्मणपुरी येथे चेन स्नॅचिंग करून दागिने चोरल्याची कबुली दिली. त्याला अटक करून दागिने, दुचाकी जप्त करण्यात आली. त्याला विश्रामबाग पोलिसांच्या ताब्यात देण्यात आले आहे. एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाने सहायक निरीक्षक पंकज पवार, सागर लवटे, महादेव नागणे, संदिप गुरव, अनिल कोळेकर, अमर नरळे, मछिंद्र बर्डे, संदिप नलावडे, उदय माळी, विक्रम खोत, कॅप्टन गुंडवाडे आदींच्या पथकाने ही कारवाई केली.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.