तळीरामांसाठी मोठी गुडन्यूज; व्हिस्की झाली स्वस्त
व्हिस्की पिण्याची आवड असणाऱ्यांना बोर्बोन व्हिस्कीबद्दल नक्कीच माहिती असेल. भारताने बोर्बोन व्हिस्कीवरील शुल्क १५० टक्क्यांवरून १०० टक्क्यांपर्यंत कमी केले आहे. अमेरिकेचे राष्ट्राध्यक्ष डोनाल्ड ट्रम्प यांनी दक्षिण आशियाई बाजारांमध्ये अयोग्य शुल्क आकारणीवर टीका केल्यानंतर हे पाऊल उचलण्यात आले आहे. पंतप्रधान नरेंद्र मोदी आणि डोनाल्ड ट्रम्प यांच्या बैठकीपूर्वी १३ फेब्रुवारी रोजी बोर्बोन व्हिस्कीवरील सीमा शुल्कात ५० टक्क्यांनी कपात करण्याची घोषणा करण्यात आली.
सीमा शुल्कात कपात केल्यानंतर, बोर्बोन व्हिस्कीवर आता ५०% मुख्य सीमा शुल्क असेल, ज्यात ५०% अतिरिक्त लेव्ही असेल, ज्यामुळे एकूण सीमा शुल्क १००% होईल. पूर्वी हे शुल्क १५० टक्के होते. अमेरिकेतून भारतात बोर्बोन व्हिस्कीची मोठ्या प्रमाणात निर्यात होते. आकडेवारीनुसार, 2023-24 मध्ये भारताने २.५ दशलक्ष अमेरिकन डॉलर्स मूल्य असलेल्या बोर्बोन व्हिस्कीची आयात केली होती.
बोर्बोन व्हिस्की हे अमेरिकेचे एकमेव देशी मद्य आहे, जे मका, राई किंवा गहू आणि माल्टपासून बनवले जाते. त्यात कमीतकमी ५१% मका असतो. बोर्बोन व्हिस्कीला नवीन पांढऱ्या ओकच्या बॅरलमध्ये साठवले जाते. तसेच, त्यात कोणताही रंग किंवा चव मिसळली जात नाही. बोर्बोन व्हिस्कीमध्ये ८० ते १६० प्रूफ (अल्कोहोलचे प्रमाण) असते. १८०० च्या दशकात अमेरिकेतील केंटकी राज्यातील बोर्बोन काउंटीमध्ये प्रथमच बोर्बोन व्हिस्की बनवण्यात आली.
असे म्हटले जाते की, याचे नाव देशातील शहराच्या नावावर ठेवले आहे, त्यामुळे ते फक्त तेथेच बनवले जाऊ शकते, परंतु अहवालानुसार, ही धारणा चुकीची आहे. बोर्बोन व्हिस्की तयार करण्याचे नियम पाळून जगाच्या कोणत्याही कोपऱ्यात उत्पादन केले, तरीही ते बोर्बोन व्हिस्कीच म्हटले जाईल. बोर्बोन व्हिस्की जुनी करण्यासाठी, पूर्वी कधीही न वापरलेले बॅरल वापरले जाते. एकदा बोर्बोनसाठी वापरलेले बॅरल दुसऱ्या व्हिस्कीसाठी वापरले जाऊ शकते, परंतु बोर्बोनसाठी पुन्हा वापरले जाऊ शकत नाही.
बोर्बोन व्हिस्कीचे अनेक प्रकार आहेत. 'ओल्ड फॅशन' पासून 'मिंट ज्यूलेप' पर्यंत, केंटकी डर्बीचे अधिकृत पेय म्हणूनही याचा वापर केला जातो. पंतप्रधान नरेंद्र मोदी आणि अमेरिकेचे राष्ट्राध्यक्ष डोनाल्ड ट्रम्प यांच्यात झालेल्या चर्चेनंतर, दोन्ही नेत्यांनी २०३० पर्यंत द्विपक्षीय व्यापार दुप्पट करून ५०० अब्ज अमेरिकन डॉलर्सपर्यंत वाढवण्याचा संकल्प केला. अमेरिकेचे राष्ट्राध्यक्ष डोनाल्ड ट्रम्प यांनी पंतप्रधान मोदी यांचे कौतुक केले आणि ते म्हणाले की, पंतप्रधान मोदी एक महान नेते आहेत. आम्ही भारत आणि अमेरिकेसाठी काही उत्कृष्ट व्यापारी करार करणार आहोत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
