अबब... बनावट आयपीएस अधिकारी अटकेत
राजस्थान पोलिसांनी प्रसिद्ध धार्मिक स्थळ झिनमाटा परिसरातून एका बनावट आयपीएस अधिकाऱ्याला अटक केली आहे. आरोपी सुरेश चौधरी (31), हा पोलिसांचा गणवेश परिधान करून मंदिर परिसरात फिरत होता आणि व्हीआयपी सुविधांचा गैरफायदा घेत होता.
पोलिसांच्या संशयास्पद हालचाली लक्षात आल्यानंतर त्याला ताब्यात घेण्यात आले आणि चौकशीत त्याचा भांडाफोड झाला.झिनमाटा पोलिस ठाण्याचे प्रमुख दलिप सिंह यांनी सांगितले की, पोलिसांना माहिती मिळाली होती की एक माणूस राजस्थान पोलिसांच्या गणवेशात मंदिर परिसरात फिरत आहे. माहिती मिळताच पोलिस पथक उदयपुरा बस स्टँडवर पोहोचले, जिथे आरोपी दुकानांसमोर उभा होता. त्याच्या गणवेशावर तीन तारे, टोपीवर 'आयपीएस' लिहिलेले होते आणि त्याने वेगळी डोरी देखील लावली होती.
फसवणुकीची कबुली
पोलिसांनी विचारपूस केल्यावर आरोपीने आपली ओळख सिकर कोतवाली पोलिस ठाण्यातील अधिकारी म्हणून दिली. मात्र, जेव्हा पोलिसांनी खातरजमा केली तेव्हा त्याची फसवणूक उघड झाली. पोलिसांनी त्याला ओळखपत्र आणि अन्य दस्तऐवज मागितले तेव्हा त्याने स्वतः बनावट अधिकारी असल्याची कबुली दिली.चौकशीत आरोपीच्या पूर्वीच्या गुन्ह्यांचा उलगडा झाला. तो जयपूर आणि भिलवाडा येथे आर्थिक फसवणुकीत सामील होता आणि त्याच्यावर पत्नीच्या हत्येचाही गुन्हा दाखल आहे.गुन्हेगारी प्रवृत्तीचाजयपूर (2024): कर्ज फेडण्याच्या बहाण्याने मनोज नावाच्या व्यक्तीकडून 5 लाख रुपयांची फसवणूक.जयपूर कोतवाली (2024): बँक कर्मचारी असल्याचे भासवून प्रभुदयाल नावाच्या व्यक्तीकडून 1 लाख रुपयांची फसवणूक.भिलवाडा (2024): पोलिस निरीक्षकाचा गणवेश घालून 18,000 रुपयांचा मोबाईल लुटण्याची घटना.पत्नीची हत्या (2020): आरोपीवर त्याच्या पत्नीच्या हत्येचा गुन्हा दाखल असून, सध्या तो जामिनावर होता.पोलिस आता आरोपीच्या इतर गुन्ह्यांचा तपास करत आहेत आणि त्याच्या साथीदारांची चौकशी सुरू आहे. बनावट अधिकारी असल्याने लोकांची फसवणूक करणाऱ्या या आरोपीच्या अटकेमुळे अनेक रहस्ये उघड होण्याची शक्यता आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
