Big Breaking! ठाकरेंची शिवसेना शिंदेंना देणारे निवडणूक आयुक्त बेपत्ता?, जगदीश धनकडही... देश हादरवणारा आरोप, कुठं गेले हे लोक?
शिवसेना (उद्धव बाळासाहेब ठाकरे) नेते संजय राऊत यांनी निवडणूक आयुक्त राजीव कुमार आणि जगदीश धनकड यांच्या गैरहजेरीवर गंभीर सवाल उपस्थित केले आहेत. तसेच 2024 च्या निवडणुकीत शिवसेनेचे नाव आणि धनुष्यबाण चिन्ह शिंदे गटाला देण्यामागे मोठा आर्थिक व्यवहार झाल्याचा आरोप राऊत यांनी केला आहे. यासोबतच, त्यांनी उपमुख्यमंत्री देवेंद्र फडणवीस आणि नारायण राणे यांच्यावरही जोरदार हल्लाबोल केला आहे. या आरोपांनी महाराष्ट्राच्या राजकारणात खळबळ माजवली आहे.
निवडणूक आयुक्त कुठे गेले?
संजय राऊत यांनी सोशल मीडियावर टाकलेल्या एका पोस्टद्वारे निवडणूक आयुक्त राजीव कुमार यांच्या गैरहजेरीवर प्रश्नचिन्ह उपस्थित केले. ते आज पत्रकार परिषदेत म्हणाले, "2024 च्या निवडणुकीत राजीव कुमार हे निवडणूक आयुक्त होते. शिवसेनेचे नाव आणि चिन्ह शिंदे गटाला देण्यामागे कोट्यवधींचा व्यवहार झाला. आता ते कुठे आहेत?" असा थेट सवाल राऊत यांनी केला. राहुल गांधी यांनी निवडणूक आयोगावर सातत्याने हल्ला चढवल्यापासून राजीव कुमार यांना दिल्लीतूनही हलवल्याचा दावा राऊत यांनी केला आहे. "मत चोरीच्या प्रकरणात आयुक्तांना लोकांशी बोलण्यापासून रोखले गेले आहे," असे त्यांचे म्हणणे आहे. हा आरोप निवडणूक आयोगाच्या पारदर्शकतेवर प्रश्न उपस्थित करणारा आहे.
फडणवीसांवर लुटीचा आरोप
राऊत यांनी मुख्यमंत्री देवेंद्र फडणवीस यांच्यावरही गंभीर आरोप केले. "मुंबई आणि ठाणे लुटणारे फडणवीस यांच्या सरकारमध्ये आहेत. मुंबई महानगरपालिकेच्या 90 हजार कोटींच्या ठेवी आमच्या काळात जमा झाल्या. त्या लुटीमुळे नव्हे," असे राऊत म्हणाले. त्यांनी पुढे दावा केला की, मधल्या काळात दोन लाख कोटींची कामे दिली गेली, परंतु त्यात 25% कमिशन घेतले गेले. "मुंबईच्या जनतेला माहिती आहे की कोणी लूट केली. ज्यांनी लूट केली, त्यांच्या हंड्या फोडण्याचे ढोंग फडणवीस करत आहेत," अशी टीका त्यांनी केली. गौतम अडाणी यांच्यावरही धारावी आणि मुंबईतील महत्त्वाचे भूखंड ताब्यात घेतल्याचा आरोप राऊत यांनी केला.
नारायण राणेंना खडसावले
केंद्रीय मंत्री नारायण राणे यांच्यावरही राऊत यांनी जोरदार टीका केली. "राणे यांचे दुकान आतापर्यंत तीन वेळा बंद झाले. शिवसेना, काँग्रेस आणि आता भाजपमध्ये ते कृत्रिम ऑक्सिजनवर जगत आहेत. त्यांनी आमच्या दुकान बंद करण्याची भाषा करू नये," असे राऊत म्हणाले. त्यांनी राणेंना वयाचे भान ठेवण्याचा सल्ला देत, "2029 च्या निवडणुकीत कोकणात कोणाचे दुकान बंद होईल, हे लवकरच कळेल," असा इशारा दिला.
शिंदेंवरही हल्लाबोल
एकनाथ शिंदे यांच्यावरही राऊत यांनी निशाणा साधला. "आम्हाला 440 व्होल्टचा झटका देण्याची भाषा करणारे शिंदे डरपोक आहेत. आम्ही ईडी, सीबीआयला घाबरत नाही. आमचा झटका हा स्वाभिमानाचा आहे," असे राऊत यांनी ठणकावले. शिंदे गटाने शिवसेनेचे नाव आणि चिन्ह घेतल्याचा मुद्दा पुन्हा एकदा चर्चेत आला आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
