पेट्रोल पंपावर 110, 210 रुपयांचं पेट्रोल भरुन काहीही उपयोग नाही, 'या' 2 गोष्टी लक्षात ठेवा अन्यथा चुना लागलाच समजा...
पेट्रोल पंपावर बाईक असो किंवा कार असो पेट्रोल-डिझेल भरताना आपल्या मनात अनेकदा शंका येतात. आपण जितके पैसे देत आहोत तितकेच पेट्रोल आपल्या गाडीत भरले जात आहे की नाही, पेट्रोल पंपावरील कर्मचारी आपली दिशाभूल करुन मीटर सेट करुन ठेवतात का?
असे विविध प्रश्न मनात येत असतात. पेट्रोल पंपावरील फसवणूक टाळण्यासाठी काही जण 100, 200, 500 रुपयांचे पेट्रोल टाळण्यासाठी 110, 210 अशी स्वरुपात पेट्रोल टाकतात. पण असे करणे म्हणजे तुमची फसवणूक टळली असे नाहीये. तर तुम्हाला दोन गोष्टींची काळजी घेणे गरजेचे आहे. इंटरनेटवर व्हायरल होणाऱ्या एका व्हिडिओमध्ये एका पेट्रोल पंपावरील कर्मचाऱ्याने पेट्रोल-डिझेल हे योग्यरित्या भरले आहे की नाही हे तपासण्याचे दोन सोपे मार्ग सांगितले आहेत. जाणून घेऊयात काय आहेत हे दोन मार्ग....
पेट्रोल भरताना काळजी
या व्हिडिओमध्ये, पेट्रोल पंपावरील व्यक्ती सांगतो की अनेकजण फक्त 110, 210 आणि 310 अशा स्वरुपात पेट्रोल का भरतात हे स्पष्ट करतो. पेट्रोल पंपावरील कर्मचारी म्हणतो, हे सर्व विसरून जा, पेट्रोल भरताना फक्त या दोन गोष्टी लक्षात ठेवा; यामुळे तुमची कधीही फसवणूक होणार नाही याची खात्री होईल. तुम्हाला सर्वप्रथम मशीनवर डेंसिटी म्हणजेच घनता तपासावी लागेल. ही घनता 720 ते 775 दरम्यान असावी.पेट्रोल पंपावरील कर्मचारी पुढे स्पष्ट करतो की, डिझेलची घनता 820 ते 860 पर्यंत असते. ही घनता तुम्हाला सांगते की तुम्ही भरत असलेले इंधन किती शुद्ध आहे. त्याची गुणवत्ता काय आहे? ते भेसळयुक्त आहे का? जर घनता या मर्यादेत असेल तरच तुम्ही इंधन भरले पाहिजे.इंस्टाग्रामवर ही रील @babamunganathfillingstation ने पोस्ट केली आहे. आतापर्यंत, या व्हिडिओला 700000 हून अधिक लाईक्स आणि 4500 हून अधिक कमेंट्स मिळाल्या आहेत. व्ह्यूजच्या बाबतीत, व्हिडिओ 1 कोटी 58 लाखांहून अधिक वेळा पाहिला गेला आहे.
मीटरवर शून्य...
पेट्रोल पंपावरील कर्मचारी दुसरी गोष्ट स्पष्ट करतो की, इंधन भरताना प्रत्येकजण 0 कडे पाहतो. पण पुढचा अंक 5 पासून असावा. 0 नंतर 2, 3 किंवा 4 असावा. कधीकधी, मीटर 0 वरून 10 वर जातो, नंतर थेट 12 किंवा 15 वर जातो. अशा परिस्थितीत, मशीनमध्ये छेडछाड होण्याची शक्यता असते, ज्यामुळे कमी पेट्रोल किंवा डिझेल वितरित केले जाते. 210-310 लिटर पेट्रोल भरल्याने काही फरक पडत नाही.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
