Jio आणि BSNL ची हातमिळवणी; सर्वात स्वस्त प्लान लाँच, एअरटेल-वोडाफोन आयडियाला धक्का बसणार अन् सर्वसामांन्यांच्या समस्या दूर होणार
देशात डिजिटल कनेक्टिव्हिटी वाढवण्यासाठी एक नवीन आणि महत्त्वपूर्ण करार झाला आहे. सरकारी मालकीची कंपनी बीएसएनएल आणि खाजगी टेलिकॉम कंपनी जिओ यांच्यात पार्टनरशिप झाली आहे. ही पार्टनरशिप केवळ नेटवर्क कव्हरेज मजबूत करणार नाही तर सिग्नल अॅक्सेस पूर्वी कठीण असलेल्या दुर्गम भागात फास्ट इंटरनेट अॅक्सेस देखील पुरवण्यास मदत करणार आहे. या डीलमुळे एअरटेल आणि व्हीआयसारख्या इतर कंपन्यांची चिंता वाढली आहे.
रिलायन्स जिओने बीएसएनएलसोबत पार्टनरशिप करून असा प्लान तयार केला आहे जो एअरटेल आणि व्हीआयलाही आश्चर्यचकित करेल. जिओने मध्यप्रदेश आणि छत्तीसगडमधील ग्राहकांसाठी दोन नवीन इंट्रा-सर्कल रोमिंग (ICR) रिचार्ज प्लान लाँच केले आहेत. सरकारी मालकीच्या BSNL च्या सहकार्याने विकसित केलेल्या या प्लानचा उद्देश जिओ युजर्सला मर्यादित असलेल्या भागात नेटवर्क प्रदान करणे आहे. ग्रामीण किंवा दुर्गम भागात, जिओ युजर्स BSNL नेटवर्कसोबत कनेक्ट होऊ शकतील. जिओने सांगितले की, BSNL सेवा निवडक प्रीपेड रिचार्जवर उपलब्ध आहे. यामुळे ग्राहकांना त्याच क्षेत्रातील BSNL नेटवर्कवरून व्हॉईस डेटा आणि SMS करण्याची परवानगी मिळते.
कोणते ICR प्लान उपलब्ध?
टेलिकॉम टॉकने दिलेल्या वृत्तानुसार, इंट्रा-सर्कल रोमिंग रिचार्जची किंमत 196 रुपये आणि 396 रुपये आहे, दोन्हीची व्हॅलिडिटी 28 दिवस आहे. 196 रुपयांच्या प्लानमध्ये 2GB डेटा, 1000 मिनिटे व्हॉईस कॉल आणि 1000 एसएमएस मिळतात. 396 रुपयांच्या मोठ्या प्लानमध्ये 10GB डेटा, तसेच 1000 मिनिटे व्हॉईस आणि SMS आणि 1000 एसएमएस मिळतात. जिओने स्पष्ट सांगितले की, हे प्लान फक्त बीएसएनएल आयसीआर नेटवर्कवर काम करतील. ते जिओच्या स्वतःच्या नेटवर्कवर किंवा एअरटेल आणि व्हीआय सारख्या इतर नेटवर्कवर उपलब्ध नसतील.
ग्रामीण भागात कनेक्टिव्हिटी सुधारण्याचे प्रयत्न
हे प्लान जिओच्या धोरणाचा एक भाग आहेत. बीएसएनएलच्या नेटवर्कचा फायदा घेऊन ग्रामीण आणि अर्ध-शहरी भागात कव्हरेज मजबूत करण्याचे कंपनीचे उद्दिष्ट आहे. यामुळे वापरकर्त्यांना अखंड सेवा मिळेल. दूरसंचार विभागाने 2 नोव्हेंबर 2025 रोजी एक्सवर एक पोस्ट शेअर केली. राजस्थानातील उमैद गावात 4जी साईट टेस्टिंग करण्यात आली. बीएसएनएल आणि जिओमधील आयसीआर चाचणी यशस्वी झाली. यामुळे नेटवर्क शेअरिंगद्वारे दुर्गम भागात कनेक्टिव्हिटी सुधारेल.
एअरटेलचेही नेटवर्क सुधारण्यासाठी प्रयत्न
दरम्यान, भारती एअरटेलने डिजिटल इंडिया फंड अंतर्गत सरकारी निधी वापरून 4जी टॉवर बसवले आहेत, ज्याला पूर्वी युनिव्हर्सल सर्व्हिस ऑब्लिगेशन फंड म्हणून ओळखले जात असे. हे टॉवर अरुणाचल प्रदेश, मेघालय, राजस्थान, महाराष्ट्र, आंध्रप्रदेश आणि बिहार सारख्या राज्यांच्या ग्रामीण भागात आहेत. हे काम दूरसंचार विभागाच्या सहकार्याने करण्यात आले. यामुळे दुर्गम भागात नेटवर्क कव्हरेज सुधारेल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
