WIFE म्हणजे काय? जगदगुरू रामभद्राचार्य यांनी सांगितला भयंकर अर्थ, सोशल मीडियात संतापाची लाट; असं काय म्हटलं जगदगुरूंनी?
जगद्गुरू रामभद्राचार्य हे एक प्रसिद्ध हिंदू आध्यात्मिक नेते, शिक्षणतज्ज्ञ, कवी, लेखक आणि तत्वज्ञ आहेत. ते चित्रकूट येथील तुलसी पीठाचे संस्थापक आणि अध्यक्ष आहेत. जन्मतः अंध असूनही, त्यांनी 240 हून अधिक ग्रंथांची रचना केली आहे आणि 22 भाषांवर प्रभुत्व मिळवले आहे. अशातच आता जगद्गुरू रामभद्राचार्य हे यांना सोशल मीडियावर ट्रोल केले जात आहे. त्यांचा एक व्हिडिओ व्हायरल होत आहे, ज्यामध्ये त्यांनी WIFE या शब्दाचा अर्थ सांगितला आहे.
जगद्गुरू रामभद्राचार्य यांनी WIFE या शब्दाचा अर्थ सांगताना म्हटले की, Wonderful Instrument For Enjoy याचा अर्थ पत्नी हे आनंद मिळवण्याचे मिळवण्याचे साधन आहे. फक्त विवाहित लोकच त्याचा खरा अर्थ समजू शकतात. त्यामुळे अविवाहित लोकांनी यावर बोलणे टाळावे, कारण त्यामुळे भांडण होऊ शकते असं त्यांनी म्हटले आहे. हा व्हिडिओ 25 जुलै 2025 रोजी रामभद्राचार्य यांच्या यूट्यूब चॅनेलवर शेअर करण्यात आला आहे. मात्र यातील काहीच भाग कट करून त्या द्वारे त्यांना ट्रोल करण्यात येत आहे.
रामभद्राचार्य यांचे पूर्ण विधान काय आहे?
जगद्गुरू रामभद्राचार्य म्हणाले की इंग्रजीत WIFE म्हणतात तिला संस्कृतमध्ये पत्नी म्हणतात. इंग्रजी भाषेत WIFE किती धोकादायक आहे ते पहा. WIFE म्हणजे Wonderful Instrument For Enjoy. पत्नीचा अर्थ सांगताना त्यांनी म्हटले की, यज्ञात पतीसोबत येणारीला पत्नी म्हणतात. आपल्या देशात पत्नी हनिमूनसाठी नसते. आपल्या देशात चंद्र नेहमीच मधुर असतो. आपल्या देशात पत्नीचा वापर आनंदासाठी नाही तर योगासाठी केला जातो. म्हणून, भारतीय संस्कृती समजून घेण्यासाठी संस्कृत आवश्यक आहे असंही जगद्गुरू रामभद्राचार्य यांनी म्हटलं आहे.दोन वर्षांपूर्वी जगतगुरु रामभद्राचार्य यांनी HUSBAND शब्दाची व्याख्या सांगितली होती. त्यांनी म्हटले होते की, H = Hellish, U = Unique, S = Selfies, B = Big, A = Actor, N = Needy, D = Disturber म्हणजे स्वार्थी आणि त्रासदायक असणारा महान अभिनेता. पतीचा अर्थ म्गणजे जो सतत आपल्या पत्नीचे रक्षण करतो. जो आपल्या पत्नीला रघुपती किंवा यदुपतीच्या चरणी ठेवतो तो पती आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
