Big News ! या महिन्यात मराठी माणूस पंतप्रधान होणार? माजी मुख्यमंत्र्याच्या दाव्यानं खळबळ
राजकीय वर्तुळातून मोठी बातमी समोर येत आहे, काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी आज कराडमध्ये पत्रकार परिषद घेतली, या पत्रकार परिषदेमध्ये बोलताना त्यांनी मोठा दावा केला आहे, त्यांच्या या वक्तव्यामुळे राजकीय वर्तुळात खळबळ उडाली आहे.
या महिन्यात मराठी माणूस पंतप्रधान होऊ शकतो, असा खळबळजनक दावा पृथ्वीराज चव्हाण यांनी केला आहे. पृथ्वीराज चव्हाण यांच्या या विधानानंतर आता राजकीय वर्तुळात चर्चेला उधाण आलं आहे. तसेच त्यांनी यावेळी बोलताना पुन्हा एकदा निवडणूक आयोगावर देखील जोरदार हल्लाबोल केला आहे. निवडणूक आयोगाने गोंधळ घातला याचा मी जाहीर निषेध करतो, निवडणूक आयोगाच्या सावळ्या गोंधळाला सरकार जबाबदार आहे, असा आरोप त्यांनी केला आहे.
नेमकं काय म्हणाले पृथ्वीराज चव्हाण?
हा आंतरराष्ट्रीय विषय आहे. अमेरिकेत मोठा उद्योगपती. जेफ्री अॅमस्टिन त्याचं नाव आहे. त्या माणसाबद्दलचा हा विषय आहे. त्याने कायदा मोडला. त्याने खूप बेकायदेशीर कारवाया केल्या. त्यात सर्व राजकीय पक्षाच्या नेत्यांना गुंतवायचं आणि भानगडी करायला लावायच्या असा तो विषय आहे. सर्व मोठ्या राजकीय नेत्यांची नावे अमेरिकेत आली आहेत. त्यात राष्ट्रपती ट्रम्प यांचं देखील नाव आहे. त्यामुळे कदाचित ट्रम्प यांना राजीनामा द्यावा लागेल. तिकडे निवडणूक आयोगाचे फार कडक निकष आहेत. ट्रम्प यांनी राजीनामा देणं हा त्यांचा विषय आहे.अमेरिकेची संसद त्यांच्या मागे लागली आहे. नावं खुलं करण्यास सांगत आहे. पण ट्रम्प करत नाहीत. कारण अनेक लोक अडचणीत येणार आहेत. संसद ट्रम्प यांच्या पाठिमागे सहा महिन्यापासून लागली आहे. १० हजार कागदपत्रं संसदेने ताब्यात घेतले आहेत. संसद ही कागदपत्रं उघड करू शकते. सुब्रमण्यम स्वामी यांनी हा व्हिडीओ केला आहे. ते म्हणतात मला कागदं मिळतील. कागद मिळाल्यावर सुब्रमण्यम स्वामी बोलतील. आज त्यावर संसदेत गदारोळ होऊ शकतो. मी फक्त म्हटलं मराठी माणूस पंतप्रधान होणार आहे, त्यातून काय अर्थ काढायचा तो काढा, असं पृथ्वीराज चव्हाण यांनी म्हटलं आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
