नावावर जमीन-प्लॉट असल्यास केंद्र सरकार घर बांधण्यासाठी देणार दीड लाख, मोबाईलवरूनही करता येईल अर्ज!

नावावर जमीन-प्लॉट असल्यास केंद्र सरकार घर बांधण्यासाठी देणार दीड लाख, मोबाईलवरूनही करता येईल अर्ज!

तुमच्या नावावर प्लॉट किंवा जमिन आहे पण घर बांधण्यासाठी पैसे अपुरे पडत आहेत किंवा नाहीच. तर अशा वेळी पीएम आवास योजनेचा फायदा घेऊ शकता. यासाठी मोबाईल फोनवरुनही अर्ज करता येईल. वाचा पुढील माहिती. तुमच्या नावावर जमीन असेल तर केंद्राकडून मिळतील जवळपास दीड लाख रुपये! हे पैसे कसे मिळवायचे, अर्ज कसा करायचा, याची सविस्तर माहिती या रिपोर्टमध्ये दिली आहे.

घर नसलेल्यांना पक्की घरे देण्याच्या उद्देशाने देशभरात प्रधानमंत्री आवास योजना (PM Awas Yojana Scheme) सुरू झाली. या योजनेद्वारे ज्यांच्याकडे स्वतःचे पक्के घर नाही, त्यांना घर बांधण्यासाठी पैसे दिले जातात. PMAY योजनेअंतर्गत अर्ज केल्यानंतर सर्वेक्षण होते, त्यानंतर आवास योजनेची यादी प्रसिद्ध होते आणि पात्र लाभार्थ्यांच्या खात्यात ३ हप्त्यांमध्ये पैसे जमा केले जातात.

२०२६ पर्यंत आवास योजनेत कोणाला पैसे मिळतील, यासाठी अर्ज प्रक्रिया सुरू झाली आहे. त्यामुळे, जे यावर्षी अर्ज करू इच्छितात, त्यांनी अर्ज करण्यापूर्वी खालील माहिती वाचा आणि कागदपत्रे तयार ठेवा. ज्यांनी पीएम आवास योजनेसाठी आधीच अर्ज केला आहे, त्यांच्या घरी सर्वेक्षण सुरू झाले आहे. सर्वेक्षणाच्या वेळी योग्य नियमांचे पालन न केल्यास प्रधानमंत्री आवास योजनेच्या यादीत त्यांचे नाव येणार नाही. ज्यांनी अर्ज केला आहे, त्यांच्या घरी याच महिन्यात पडताळणीसाठी पथक येऊ शकते. त्यामुळे काही कागदपत्रे तयार ठेवा.

अर्ज करताना अपलोड केलेली सर्व कागदपत्रे

त्यांची एक झेरॉक्स प्रत तयार ठेवा.

फॉर्मची प्रिंटआउट काढून ठेवा.

जमिनीची कागदपत्रे, सातबारा उतारा इत्यादी तयार ठेवा.

कुटुंबाच्या उत्पन्नाचा दाखला तयार ठेवा.

ही सर्व कागदपत्रे जमा करावी लागतीलच असे नाही. पण ती तयार असल्यास, सरकारी सर्वेक्षक काही विचारल्यास तुम्ही लगेच माहिती देऊ शकाल. ज्यांच्याकडे पक्के घर नाही, ते या योजनेसाठी अर्ज करू शकतात. सर्व प्रक्रियेनंतर पात्र अर्जदारांची यादी प्रसिद्ध केली जाईल आणि त्यानंतर त्यांना पैसे मिळतील. आवास योजनेअंतर्गत, पक्के घर बांधण्यासाठी किंवा खरेदीसाठी वर्गवारीनुसार विविध प्रकारची आर्थिक मदत दिली जाते.

या योजनेंतर्गत, स्वतःच्या नावावर जमीन असलेल्या प्रत्येक पात्र कुटुंबाला १.२० लाख रुपयांपर्यंत आर्थिक मदत दिली जाते. हे पैसे थेट बँक खात्यात जमा होतात, जे घर बांधण्यासाठी वापरता येतात. याशिवाय, सरकार बांधकाम साहित्य आणि अनुदानाच्या माध्यमातूनही मदत करते. ग्रामीण (PMAY-G) आणि शहरी (PMAY-U) दोन्ही भागांतील लोकांना हा लाभ मिळत आहे. ही योजना निम्न आणि मध्यमवर्गीय कुटुंबांचे जीवनमान सुधारत आहे.

प्रधानमंत्री आवास योजनेअंतर्गत घरासाठी पैसे कोणाला मिळतील?

फक्त भारतीय कायमस्वरूपी रहिवासी नागरिकच आवास योजनेच्या घरासाठी पैसे मिळवू शकतात.

अर्जदार कच्च्या घरात राहत असावा.

अर्जदार किंवा कुटुंबातील कोणी सरकारी नोकरीत असल्यास आवास योजनेचे पैसे मिळणार नाहीत.

अर्जदार आयकरदाता असला तरीही घरासाठी पैसे मिळणार नाहीत.

जमिनीची आवश्यक कायदेशीर कागदपत्रे असणे आवश्यक आहे.

PMAY प्रधानमंत्री आवास योजनेद्वारे घर बांधण्यासाठी पैसे मिळवण्याकरिता ऑनलाइन अर्ज करणे ही सर्वात सोपी आणि जलद प्रक्रिया आहे. अर्ज करण्यापूर्वी सर्व कागदपत्रे तयार ठेवा.

सर्वात आधी आवास योजनेच्या अधिकृत वेबसाइटवर जा.

त्यानंतर Citizen Assessment पर्यायातून "Benefits on 3 Components" निवडा.

आता आधार आणि मोबाईल OTP वापरून तुमच्या खात्यात लॉग इन करा.

येथे खाते नोंदणीकृत नसल्यास, नोंदणी करा.

नोंदणी केली असल्यास, Aadhaar Card/ USER ID ने लॉग इन करा.

त्यानंतर फॉर्ममधील माहिती भरा आणि फोटो अपलोड करा.

कॅप्चा कोड टाकून सबमिट बटणावर क्लिक करा.

यशस्वी झाल्यावर तुमचे काम पूर्ण होईल.

Application Id क्रमांक कुठेतरी लिहून ठेवा, तो नंतर उपयोगी पडेल.

प्रधानमंत्री आवास योजना (PM Awas Yojana Scheme) साठी योग्यरित्या अर्ज केल्यास लवकरच सर्वेक्षण सुरू होईल. योग्य नियम आणि अटींचे पालन करून अर्ज केल्यास, आवास योजनेच्या यादीत नाव येईल आणि त्यानंतर तुम्हाला योजनेचे पैसे मिळतील.

ज्यांनी आधीच अर्ज केला आहे आणि ज्यांची नावे यादीत आहेत, त्यांना लवकरच घरासाठी पैसे मिळतील. ज्यांना अद्याप पैसे मिळालेले नाहीत, त्यांनी जानेवारी महिन्यापर्यंत प्रतीक्षा करावी. लवकरच PMAY प्रधानमंत्री आवास योजनेची यादी प्रसिद्ध होईल.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.