वर्ल्ड कप दरम्यान टीम इंडियाच्या स्टार खेळाडूचा घटस्फोट, 5 वर्षांचा संसार मोडला
आयसीसी टी20 वर्ल्ड कप सूरू असताना टीम इंडियाच्या गोटातून एक मोठी बातमी समोर आली आहे. टीम इंडियाच्या एका स्टार खेळाडूने आपल्या बायकोशी घटस्फोट घेतल्याची घटना समोर आली आहे.त्यामुळे क्रिकेट फॅन्सना हा धक्का बसला आहे.
दरम्यान हा खेळाडू नेमका कोण आहे? हे जाणून घेऊयात.
टीम इंडियाचा स्टार क्रिकेटपटू युझवेंद्र चहल आणि हार्दिक पंड्या यांच्यानंतर आता आणखी राहुल चहर या भारतीय क्रिकेपटूने आता बायकोशी घटस्फोट घेतल्याची माहिती समोर आली आहे. खरं तर वयाच्या 21 व्या वर्षी त्यांचे लग्न झाले होते.पण हे जेमतेट पाच ते सहा वर्ष टीकलं. आता त्याने घटस्फोट घेतल्याची घोषणा केली आहे.
सनराइजर्स हैदराबादचा (SRH) 26 वर्षीय लेग स्पिनर राहुल चाहर याने शुक्रवार, 20 फेब्रुवारी रोजी इन्स्टाग्राम पोस्टद्वारे पत्नी ईशानी जोहर हिच्याशी घटस्फोट घेतल्याची माहिती दिली. 9 मार्च 2022 रोजी गोव्यात झालेल्या त्यांच्या स्वप्नवत विवाहानंतर जवळपास साडेतीन वर्षे हे दोघे एकत्र होते. मात्र आता त्यांच्या आयुष्यातील हा अध्याय अधिकृतपणे संपला आहे. राहुल चाहरने सोशल मीडियावर अत्यंत भावुक पोस्ट शेअर करत आपल्या मनातील भावना व्यक्त केल्या. त्याने मान्य केले की त्याने खूप कमी वयात लग्नाचा निर्णय घेतला होता आणि त्या वेळी त्याला स्वतःबद्दल, स्वतःच्या प्राधान्यांबद्दल आणि आयुष्यात नेमके काय साध्य करायचे आहे याबद्दल पूर्ण स्पष्टता नव्हती.
"मी कमी वयात लग्न केले. त्या वेळी
मी स्वतःला, माझ्या किमतीला किंवा मी घडवू इच्छित असलेल्या आयुष्याला
पूर्णपणे समजू शकलो नव्हतो. त्यानंतरची काही वर्षे अशी गेली ज्यांनी मला
असे धडे दिले, ज्यांची मी कधी कल्पनाही केली नव्हती,असे राहुल चहरने
सांगितले. "आज
माझ्या आयुष्यातील तो अध्याय औपचारिकरीत्या संपला आहे. कायदेशीर प्रक्रिया
पूर्ण झाल्यानंतर हे प्रकरण निकाली निघाले. यासाठी मला मोठी किंमत मोजावी
लागली, पण आता या टप्प्याला अंतिम रूप मिळाले आहे. मी हा अध्याय राग किंवा
पश्चात्तापाने नव्हे, तर स्पष्टतेने बंद करत आहे," असे त्याने लिहिले.
राहुलने पुढे म्हटले की काही नाती कायमची नसतात; ती आपल्याला जागवण्यासाठी, शिकवण्यासाठी आणि बदलण्यासाठी असतात. "आता मी अधिक समजूतदार, आत्म-जागरूक आणि मी घडवू इच्छित असलेल्या आयुष्याबद्दल अधिक निश्चित झालो आहे," असे तो म्हणाला. त्याने या टप्प्याला शेवट नव्हे, तर नव्या सुरुवातीची संधी मानत पुढे जाण्याची तयारी दर्शवली. "आत्मसन्मान, शांतता आणि अधिक योग्य निर्णयांसह पुढे जायचे आहे," असा त्याचा स्पष्ट संदेश होता.राजस्थानमध्ये जन्मलेला हा लेग स्पिनर आता इंडियन प्रीमियर लीग (IPL) 2026 च्या हंगामावर पूर्ण लक्ष केंद्रित करणार आहे. मार्च ते मे 2026 दरम्यान होणाऱ्या या स्पर्धेसाठी तो नव्या जोमाने तयारी करत आहे. विशेष म्हणजे, आयपीएल 2026 मिनी-लिलावात सुरुवातीला तो अनसोल्ड राहिला होता; मात्र एक्सेलरेटेड राऊंडमध्ये चेन्नई सुपर किंग्स (CSK) संघाने त्याला 5.20 कोटी रुपयांना खरेदी केले. याआधी सनराइजर्स हैदराबादने त्याला रिलीज केले होते.आता 'यलो आर्मी'च्या जर्सीत राहुल चाहर आपल्या करिअरची नवी इनिंग सुरू करण्यास सज्ज झाला आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
