Big Breaking! नोटा बदलणार, पण घाबरू नका! 500 आणि 100 च्या नोटांबाबत RBI चा मोठा निर्णय
दैनंदिन व्यवहारात सर्वाधिक वापरल्या जाणाऱ्या 100 आणि 500 रुपयांच्या नोटा अधिक सुरक्षित आणि टिकाऊ करण्याचा महत्त्वपूर्ण निर्णय (RBI) ने घेतला आहे. बनावट नोटांना आळा घालणे आणि चलनाचे आयुष्य वाढवणे हा या निर्णयामागील
मुख्य उद्देश आहे. लवकरच या नव्या सुरक्षा वैशिष्ट्यांसह नोटांची मालिका
बाजारात दाखल होणार आहे. मात्र, या पार्श्वभूमीवर सर्वसामान्य
नागरिकांमध्ये जुन्या नोटांचे काय होणार, असा प्रश्न उपस्थित होत आहे.
हा निर्णय रिझर्व्ह बँक ऑफ इंडियाने घेतला असून देशभरातील बँका, एटीएम यंत्रणा आणि सर्वसामान्य नागरिक यावर परिणाम होणार आहे. 100 आणि 500 रुपयांच्या नोटांच्या सुरक्षा वैशिष्ट्यांमध्ये तांत्रिक बदल करण्यात येत आहेत. वॉटरमार्क, सुरक्षा धागा, सूक्ष्म छपाई आणि शाईच्या गुणवत्तेत सुधारणा केली जाणार आहे.
संपूर्ण भारतात लागू होणार
नवीन नोटा लवकरच टप्प्याटप्प्याने चलनात आणल्या जातील. अचूक तारीख जाहीर करण्यात आलेली नसली तरी बँकिंग यंत्रणा त्यासाठी सज्ज असल्याचे संकेत आहेत. हा बदल संपूर्ण भारतात लागू होणार असून शहरी तसेच ग्रामीण भागातही नव्या नोटांचा वापर सुरू होईल.
सुरक्षा अधिक मजबूत करणे गरजेचे
डिजिटल व्यवहार वाढले असले तरी ग्रामीण भाग, वाहतूक क्षेत्र आणि किरकोळ बाजारपेठांमध्ये रोख व्यवहाराचे प्रमाण अजूनही मोठे आहे. 100 आणि 500 रुपयांच्या नोटांची बनावट आवृत्ती तयार करण्याच्या घटना लक्षात घेता सुरक्षा अधिक मजबूत करणे गरजेचे आहे. तसेच नोटा वारंवार वापरामुळे खराब होतात; त्यामुळे अधिक टिकाऊ कागद आणि दर्जेदार शाईचा वापर करण्यात येणार आहे.
असे असतील बदल
100
रुपयांच्या नोटेची मूळ डिझाइन कायम ठेवत छपाई अधिक स्पष्ट केली जाईल.
सुरक्षा धागा आणि वॉटरमार्क अधिक ठळक असतील, ज्यामुळे अस्सलता ओळखणे सोपे
जाईल. 500 रुपयांच्या नोटांमध्ये सूक्ष्म अक्षरांची छपाई अधिक तीक्ष्ण केली
जाईल आणि रंगसंगती अधिक स्पष्ट करण्यात येईल. या दोन्ही नोटा जुन्या
नोटांसह व्यवहारात चालतील. सर्व एटीएम आणि कॅश डिपॉझिट मशिन्स नव्या नोटा
स्वीकारण्यासाठी सुसज्ज केल्या जातील.
जुन्या नोटांचे काय?
RBI ने स्पष्ट केले आहे की सध्याच्या 100 आणि 500 रुपयांच्या नोटांवर कोणतीही बंदी घालण्यात आलेली नाही. त्या पूर्णपणे वैध राहतील. नवीन नोटा या जुन्या नोटांच्या जोडीनेच चलनात असतील. त्यामुळे नागरिकांनी घाबरण्याचे कारण नाही. एकूणच, वाढत्या बनावट चलनाच्या पार्श्वभूमीवर आणि रोख व्यवहाराची गरज लक्षात घेऊन हा निर्णय घेण्यात आला असून, यामुळे चलनव्यवस्थेची सुरक्षितता आणि विश्वासार्हता अधिक बळकट होणार आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
