तेजस ठाकरे यांची प्रकृती बिघडली, तीन दिवसांपासून मुंबईत उपचार सुरू

तेजस ठाकरे यांची प्रकृती बिघडली, तीन दिवसांपासून मुंबईत उपचार सुरू

 

मुंबई : राज्याचे माजी मुख्यमंत्री, तथा शिवसेना पक्षप्रमुख उद्धव ठाकरे यांचे सुपुत्र तेजस ठाकरे यांची प्रकृती बिघडल्याने त्यांना रुग्णालयात दाखल करण्यात आले आहे. गेल्या तीन दिवसांपासून त्यांच्यावर मुंबईत उपचार सुरू आहेत. त्यांच्या तब्येतीत सुधारणा होत असल्याची माहिती आहे. तेजस ठाकरे यांच्यावर बुधवारपासून मुंबईतील रिलायन्स रुग्णालयात उपचार सुरू असल्याची प्राथमिक माहिती आहे. बुधवारी त्यांची प्रकृती खालावल्यानंतर त्यांना गिरगांव येथील रिलायन्स रुग्णालयात दाखल करण्यात आले. तेव्हापासून त्यांच्यावर उपचार सुरू असून आता तब्येतीत सुधारणा झाल्याची माहिती मिळते आहे. रुग्णालयात तेजस ठाकरे यांची काळजी घेण्यासाठी रश्मी ठाकरे, उद्धव ठाकरे सध्या असल्याचे कळते. ठाकरे कुटुंबातील इतर सदस्यांनीही तेजस ठाकरे यांची भेट घेऊन त्यांच्या प्रकृतीची माहिती घेतली तसेच लवकर बरे होण्यासाठी सदिच्छा व्यक्त केल्या.

 

कोण आहेत तेजस ठाकरे, ते काय करतात?

शिवसेना पक्षप्रमुख उद्धव ठाकरे यांचे तेजस ठाकरे हे कनिष्ठ सुपुत्र आहेत.

तेजस ठाकरे यांची मुख्य ओळख वन्यजीव संशोधक म्हणून आहे.

फेब्रुवारी 2016 मध्ये ठाकरे यांनी गोड्या पाण्यातील खेकड्यांच्या 5 नवीन प्रजाती शोधून काढल्या

त्यापैकी एकाला त्यांच्या आडनावावरून नाव देण्यात आले.

पश्चिम घाटातील गोड्या पाण्यातील खेकड्यांच्या काही प्रजाती शोधून काढल्या

सप्टेंबर 2019 मध्ये, महाराष्ट्रातील पश्चिम घाटात सापांची एक नवीन प्रजाती शोधण्यात आली

या शोधात दिलेल्या योगदानाबद्दल या प्रजातील बोईगा ठाकरे असे नाव देण्यात आले.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.