निलेश राणे यांचा भाजप कार्यकर्त्यांसह शिवसेनेत प्रवेश
राज्याचे उपमुख्यमंत्री एकनाथ शिंदे यांच्यामुळेच मी पुन्हा एकदा राजकारणात सक्रिय झालो आहे, असे विधान शिवसेनेचे आमदार निलेश राणे यांनी रविवारी चिपळूणमधील राधाताई लाड सभागृहात भाजप माजी जिल्हा उपाध्यक्ष परिमल भोसले यांच्यासह कार्यकर्त्यांच्या शिवसेनेत प्रवेश कार्यक्रमादरम्यान केले.
निलेश राणे यांचे मार्गदर्शन घेऊन भाजपचे जिल्हा सरचिटणीस व माजी नगरसेवक परिमल भोसले आणि त्यांचे समर्थक शिवसेनेत प्रवेश केले. यावेळी आमदार राणे यांनी आपल्या भावना व्यक्त करताना सांगितले की, "राज्याचे उपमुख्यमंत्री एकनाथ शिंदे यांच्या मदतीमुळेच आज मी आमदार म्हणून विधानसभा गाठू शकलो. त्यांच्यामुळेच मला विधानसभा निवडणुकीत उमेदवारी मिळाली आणि मी राज्यसभेच्या सभागृहात पुन्हा सक्रिय होऊ शकलो," असे ते म्हणाले.आमदार राणे यांनी सांगितले की, राजकारणात निवडणुकीवरून कधीही काम करणे आवश्यक नाही. "निवडणूक झाल्यावर लोकांच्या विकास आणि समाजहिताचा विचार करा. अशा प्रकारे काम करणारा नेहमीच यशस्वी होतो," असे ते म्हणाले. त्यांनी शिवसेनेतील निवडून आलेल्या उमेदवारांना जनतेच्या कामांबद्दल विचार करणं आणि विकासाची दिशा ठरवण्याचं महत्त्व सांगितले.राणे यांनी चिपळूणच्या विकासाबद्दल चर्चा करतांना सांगितले की, "चिपळूण एक सांस्कृतिक, सामाजिक आणि क्रीडानगरी आहे, त्यात अधिक विकास कसा होईल, यावर विचार करावा लागेल. प्रकल्प अहवाल तयार करणे आणि मंत्रीांच्या सहकार्याने यावर काम करणे आवश्यक आहे." यावेळी, त्यांनी चिपळूणवासीयांना महामार्ग उड्डाण पुलाच्या लांबी वाढवण्याचा प्रस्ताव दिला आणि लवकरच या कामासाठी अंदाजपत्रकासह आराखडा तयार करण्यात येणार असल्याची माहिती दिली.कार्यक्रमाला शिवसेनेचे उपनेते माजी आमदार सदानंद चव्हाण, नगराध्यक्ष उमेश सकपाळ, शिवसेना चिपळूण तालुकाप्रमुख संदेश आयरे, रश्मी गोखले, आणि इतर नेते उपस्थित होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
