UPI पेमेंटमध्ये मोठा बदल! मोबाईल नंबर किंवा आयडी टाकून पैसे भरणे होणार बंद; जाणून घ्या नवीन नियम
भारतातील डिजिटल व्यवहारांची दिशा बदलणाऱ्या UPI मध्ये नॅशनल पेमेंट्स कॉर्पोरेशन ऑफ इंडियाने (NPCI) एक मोठा बदल केला आहे. आतापर्यंत आपण ऑनलाईन शॉपिंग करताना किंवा एखाद्या वेबसाईटवर पेमेंट करताना आपला UPI ID किंवा मोबाईल नंबर मॅन्युअली टाईप करत होतो, पण ही 'UPI कलेक्ट' (UPI Collect) नावाची सुविधा आता सामान्य व्यवहारांसाठी बंद करण्यात आली आहे. 28 फेब्रुवारी 2026 पासून या निर्णयाची अंमलबजावणी सुरू झाली असून, आता ग्राहकांना पेमेंट करण्यासाठी अधिक सुरक्षित आणि वेगवान पर्याय वापरावे लागणार आहेत.
काय आहे 'UPI कलेक्ट' आणि ते का बंद झाले?
जेव्हा आपण एखाद्या ॲप किंवा वेबसाईटवर आपला UPI ID (उदाहरणार्थ abc@okaxis) टाईप करतो, तेव्हा ती वेबसाईट आपल्या बँक खात्यातून पैसे कापण्यासाठी आपल्या मूळ UPI ॲपला एक 'रिक्वेस्ट' पाठवते. यालाच 'UPI कलेक्ट' म्हटले जायचे. मात्र, अनेकदा चुकीचा नंबर टाईप केल्यामुळे किंवा फिशिंग लिंकमुळे ग्राहकांची फसवणूक होण्याचे प्रकार वाढले होते. डिजिटल पेमेंट अधिक सुरक्षित आणि मानवी चुका टाळण्यासाठी NPCI ने हा निर्णय घेतला आहे.
आता पेमेंट कसे करायचे?
28 फेब्रुवारी 2026 नंतर, बहुतांश ऑनलाईन प्लॅटफॉर्मवर तुम्हाला दोन प्रमुख पर्याय दिसतील.
ॲप आयकॉन (App Icons): पेमेंट पेजवर तुम्हाला थेट Google Pay, PhonePe किंवा Paytm सारख्या ॲप्सचे आयकॉन दिसतील. त्यावर क्लिक करताच तुमच्या फोनमधील ते ॲप आपोआप उघडेल.
QR कोड (QR Code): स्क्रीनवर एक डायनॅमिक QR कोड दिसेल, जो स्कॅन करून तुम्ही काही सेकंदात पेमेंट पूर्ण करू शकाल. यामुळे मोबाईल नंबर किंवा आयडी टाईप करण्याची कटकट आणि भीती दोन्ही संपणार आहेत.
या 4 ठिकाणी जुनी पद्धत सुरू राहणार
शेअर बाजार आणि IPO - जर तुम्ही शेअर्समध्ये गुंतवणूक करत असाल किंवा IPO साठी अर्ज करत असाल, तर तिथे आजही तुम्हाला UPI ID मॅन्युअली टाकावा लागेल.Apple (iOS) युजर्स - आयफोन किंवा आयपॅडवर ब्राऊझरवरून खरेदी करताना जुनीच पद्धत कार्यान्वित असेल.आंतरराष्ट्रीय व्यवहार - परदेशी वेबसाईट्सवर किंवा आंतरराष्ट्रीय व्यवसायांना पैसे पाठवण्यासाठी हा जुना पर्याय उपलब्ध असेल.ऑटो-पेमेंट मॅनेजमेंट - तुमचे आधीचे 'ऑटो-डेबिट' पेमेंट बदलण्यासाठी किंवा थांबवण्यासाठी मॅन्युअल एन्ट्री करावी लागेल.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
