सांगलीत स्केटिंगचा थरार! ५४ चिमुकल्यांनी पटकावले २४ कॅरेटचे सोन्याचे नाणे

सांगलीत स्केटिंगचा थरार! ५४ चिमुकल्यांनी पटकावले २४ कॅरेटचे सोन्याचे नाणे

सांगली मिरज कुपवाड रोलर स्केटिंग असोसिएशन आणि सही स्केटिंग अकॅडमी यांच्या संयुक्त विद्यमाने आयोजित 'तिसरी ओरिजनल मिनी गोल्ड कॉइन स्केटिंग स्पर्धा' रविवारी (१९ एप्रिल २०२६) सांगलीत उत्साहात पार पडली. एम. आय. टी. स्कूलच्या स्केटिंग मैदानावर झालेल्या या स्पर्धेत खेळाडूंच्या कौशल्याला चकाकी मिळाली, कारण प्रत्येक वयोगटातील विजेत्याला चक्क २४ कॅरेटचे ५० मिलिग्रॅम सोन्याचे नाणे देऊन गौरविण्यात आले.

​

असा होता स्पर्धेचा थरार:

या स्पर्धेत केवळ सांगलीच नव्हे, तर म्हैसूर, बागलकोट, मुधोळ, बेळगाव, पुणे, बारामती, वाई, सावंतवाडी, कोल्हापूर, संकेश्वर आणि गडहिंग्लज अशा विविध शहरांतून सुमारे ३५० खेळाडूंनी हजेरी लावली होती. विविध स्केटिंग प्रकारात आणि वयोगटात चुरस पाहायला मिळाली. यात एकूण ५४ खेळाडूंनी प्रथम क्रमांक पटकावत सुवर्ण नाण्यावर आपले नाव कोरले.

​उद्घाटन आणि संयोजन:

स्पर्धेचे उद्घाटन नगरसेविका सौ. अश्विनीताई कोळेकर, नगरसेवक हर्षवर्धन पाटील आणि प्रिन्सिपल चेतन सोनवणे यांच्या हस्ते करण्यात आले. या भव्य आयोजनाचे नियोजन आंतरराष्ट्रीय स्केटिंग प्रशिक्षक व संघटनेचे अध्यक्ष सुरज शिंदे, सचिव परविन शिंदे आणि सदस्या आयेषा मुलानी यांनी केले.

​यावेळी माजी महापौर दिग्विजय सूर्यवंशी, पृथ्वीराज पवार आणि उपाध्यक्ष प्रदीप घडशी यांचे खेळाडूंना मोलाचे प्रोत्साहन लाभले. स्पर्धा यशस्वी करण्यासाठी डॉ. सुहास व्हटकर, पंकजसिंह देशमुख, गौराज कांबळे, रितेश बारीतया यांच्यासह अनेक पदाधिकाऱ्यांनी परिश्रम घेतले.

​🏅 सुवर्ण नाण्याचे मानकरी (विजेते खेळाडू):

​स्पर्धेत अव्वल क्रमांक पटकावून सोन्याचे नाणे जिंकणारे प्रमुख खेळाडू:

जिल्हा/शहर विजेते खेळाडू

सांगली वेदिका घडशी, वेणीसा बिझ्झा, जैनिक शहा, आरोही शेंडगे, आरोही महारनूर, तनवी दुधाळे, सम्राज्ञी पत्रावळे, इरा हंजे, आर्यन बारीतया, प्रांजल लोंढे.

कोल्हापूर:- शौर्य गुरव, भूमिजा भालेकर, नेत्रा अतिग्रे, युवान भोसके, प्रीती शेटे, आरव कुलमुडे, सानवी निकम, शिवरुद्र तुरळे, निशिता बारटक्के, अद्विका पाटील, वेदांत बनसोडे, श्रीओम स्वामी, जयतीर्थ पवार, स्नेहा सोरटे, वीरेन सासणे, विहान पाटील, त्रिविका घाडगे, धीरती तोडकर, समरजीत जितकर.

बेळगाव:- जानवी तोडकर, सौरभ साळुंखे, शैल्य तारळेकर, प्रणिका मेटकर.

इतर शहरे ओवी तोडकर (पेटवडगाव), पुलकित भाईतया (इचलकरंजी), प्रेम यादव (मुधोळ), सनमीत रितू (म्हैसूर), संस्कृती कमशेठे (मुधोळ), नुरजान पठाण (जमखंडी), श्रावणी के (बागलकोट), दर्शन राजकोट (बारामती), वीरा शिंदे (वाई), तनिष्क कदम (सावंतवाडी), शार्दुल सुतार (गडहिंग्लज).

(इतर ५४ विजेत्यांचा यामध्ये समावेश आहे)

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.