पलाश मुच्छल पोलिसांना चकवा देऊन फरार? मुंबईतील घरावर सांगली पोलिसांच्या छाप्यानंतर खळबळ
सांगली : संगीतकार, गीतकार पलाश मुच्छल याच्याविरोधात शहर पोलिस ठाण्यात जातिवाचक शिवीगाळ केल्याप्रकरणी ॲट्रॉसिटीचा गुन्हा नोंद करण्यात आला होता. विज्ञान प्रकाश माने यांनी फिर्याद दिली होती. त्यानंतर शहर पोलिसांच्या पथकाने मुंबईत छापेमारी केली. त्याच्या राहत्या घरी तो सापडला नाही. त्याचा शोध सुरू असल्याचे शहर पोलिसांनी सांगितले.
पोलिसांनी दिलेल्या माहितीनुसार, नोव्हेंबर महिन्यात सांगलीत क्रिकेटपटू स्मृती मानधना व संगीतकार पलाश मुच्छल यांचा विवाह सोहळा होता; पण तो काही कारणांनी रद्द झाला. हा विवाह मोडल्यानंतर पलाश चर्चेत आला होता. मुच्छल यांनी २०२५ मध्ये फिर्यादी विज्ञान माने यांच्याकडून चित्रपट निर्मितीसाठी २५ लाख रुपये घेतले होते.२२ नोव्हेंबर २०२५ रोजी सांगली ते आष्टा रस्त्यावरील टोल नाका परिसरात माने यांनी मुच्छल यांच्याकडे दिलेल्या २५ लाखांची मागणी केली. त्यावेळी मुच्छल यांनी माने यांना जातिवाचक शिवीगाळ केली. या तक्रारीनंतर शहर पोलिसांनी पलाशविरोधात अनुसूचित जाती व जमाती अधिनियमानुसार गुन्हा नोंद केला आहे.
दरम्यान, शहर पोलिस ठाण्याचे उपनिरीक्षक सागर होळकर, गौतम कांबळे, संतोष गळवे यांनी मुंबईत छापेमारी केली. मुच्छल हा त्याचा मुंबईच्या घरी आढळून आला नाही. पुन्हा त्याचा शोध घेतला जाणार आहे. उपअधीक्षक संदीप भागवत तपास करत आहेत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
