डायनिंग टेबल सोडा, जमिनीवर बसा; पाहा खाली बसून जेवणाचे आरोग्यदायी फायदे!

डायनिंग टेबल सोडा, जमिनीवर बसा; पाहा खाली बसून जेवणाचे आरोग्यदायी फायदे!

संकलन : अनिल साखरकर

आजकाल लोकांची लाइफस्टाईल खूप जास्त बदलली आहे. जुन्या चांगल्या गोष्टी आणि सवयी मागे पडत चालल्या आहेत. आधी घरात सगळे लोक एकत्र खाली बसून जेवण करत होते. पण आता लोकांच्या घरात डायनिंग टेबल आला आहे. लोक सोफ्यावर बसून जेवण करतात. मात्र, त्यांना खाली बसून जेवण्याचे फायदे माहीत नसतात. खाली बसून जेवण्याच्या सवयीने आरोग्यासंबंधी अनेक फायदे मिळतात. जाणून घेऊया खाली बसून जेवण्याचे फायदे.

शरीराची हालचाल वाढते : जमिनीवर खाली बसून जेवण करण्याचे अनेक फायदे आहेत. सर्वात महत्वाचे म्हणजे पचनक्रिया सुधारते. जमिनीवर ताट असल्याने आपल्याला घास घेण्यासाठी सतत वाकावे लागते. यामुळे शरीराची हालचाल होऊन अन्न योग्य पद्धतीने पचतं. जमिनीवर बसून जेवल्यास वजन कमी करण्यास मदत होते, तसेच पोट सुटत नाही. अपचन, जळजळ असे पोटाचे विकार होत नाहीत.

नसा मोकळ्या होतात :

जेवण करताना मांडी घालून बसल्याने शरीराच्या नसा मोकळ्या होतात. डायनिंग टेबलवर बसण्या ऐवजी जमिनीवर बसल्यास शरीरातील रक्तप्रवाह सुधारतो. शरीराची लवचिकता वाढते. जेव्हा जमिनीवर बसून जेवता, तेव्हा पाठीचा कणा ताठ राहतो. तसेच पोट, पाठ, खाद्यांची सतत हालचाल होत राहते.

आवश्यक तेवढं जेवण : सुखासन किंवा मांडी घालून जमिनीवर बसणे आणि जेवण करणे यामुळे जास्त जेवण केल्यास योग्य प्रमाणात जेवण करता येतं. हा लठ्ठपणा कमी करण्यासाठी उत्तम उपाय मानला जातो. खाली बसून जेवल्याने जेवढे आवश्यक आहे, तेवढेच आपण अन्न ग्रहण करतो. त्यामुळे पचन तंत्र सुरळीत राहतं आणि लठ्ठपणा कमी करण्यास मदत होते. व्यक्तीचे वजन नियंत्रित राहते.

पाठीचा कणा चांगला राहतो :

पाठीचा कणा ताठ व मजबूत होतो आणि पाठीच्या समस्या दूर होतात. तसेच खाली बसून जेवल्याने जेवणावर जास्त लक्ष असतं. मेंदू शांत राहतो. मेंदूला लवकर कळतं की, आपलं पोट भरलं आहे. खुर्चीवर बसून किंवा उभे असताना रक्तपुरवठा हा पायाकडे जात असतो. त्यामुळे पचन तंत्र सुरळीत काम करीत नाही. याने अपचन, ऍसिडिटी व इतर रोगांना आमंत्रण मिळतं.

कॅलरीज कमी होतात : जमिनीवर बसून जेवण हळूहळू करता येतं. यामुळे आपण कमी प्रमाणात खातो. हे शरीरासाठी चांगलं असतं. यामुळे अधिक कॅलरीचे सेवन होत नाही. गुडघे दुखीची समस्या दूर होते : जमिनीवर बसून खाल्ल्याने नितंबाच्या जोड, गुडघे आणि घोटे लवचिक होतात. या लवचिकपणामुळे पुढे चालून उठण्या बसण्यासाठी त्रास होत नाही. हाडांचे रोग, समस्या दूर राहतात.

हृदय निरोगी राहतं :

मांडी घालून बसणं हे वेगवेगळ्या योगासनातील एक आसन आहे. या आसनामध्ये शरीर आरामदायी अवस्थेत असतं आणि तणाव दूर होतो. हृदय देखील स्वस्थ राहतं. बसून खाल्ल्याने शरीरात रक्ताभिसरण सहज होते. जमिनीवर बसून खाल्ल्याने उठताना आधार न घेता उठता येते, यामुळे शरीर मजबूत आणि लवचिक  राहते.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.