मोठा राजकीय भूकंप! "जनतेचा विश्वास ठेवू शकलो नाही..." काँग्रेस आमदाराचा तडकाफडकी राजीनामा!
बंगळुरू : गेल्या काही दिवसांपासून कर्नाटकच्या राजकारणात विविध घडामोडी घडत आहेत. राज्यात दुष्काळाचा प्रश्न गंभीर बनत आहे. यावरूनच आता काँग्रेस आमदार यशवंतरायगौडा पाटील यांनी आपल्या आमदारकीचा राजीनामा दिला आहे. इंडी तालुक्याला दुष्काळग्रस्त घोषित न केल्याच्या निषेधार्थ पाटील यांनी आमदारकीचा राजीनामा दिला आहे.
यशवंतरायगौडा पाटील यांनी आपला राजीनामा मुख्यमंत्री डी. के. शिवकुमार आणि विधानसभा अध्यक्षांच्या कार्यालयाकडे सुपूर्द केला. आपण आपल्या मतदारसंघातील जनतेच्या अपेक्षा आणि आकांक्षा पूर्ण करण्यास असमर्थ ठरलो आहोत, अशी खंत त्यांनी व्यक्त केली. तसेच, सध्याच्या राजकीय वातावरणात प्रभावशाली व्यक्ती आणि दबाव आणणाऱ्यांनाच अधिक महत्त्व दिले जात असल्याचा गंभीर आरोप त्यांनी केला.पाटील यांनी २२ सप्टेंबर रोजी अध्यक्षांना लिहिलेल्या पत्रात म्हटले की, विजापूर जिल्ह्यातील इंडी तालुका २०२६-२७ च्या खरीप हंगामात दुष्काळाने प्रचंड होरपळला आहे. हंगामाच्या सुरुवातीला थोडा पाऊस झाल्याने शेतकऱ्यांनी कर्ज काढून बियाणे व खते खरेदी केली आणि पेरण्या केल्या. मात्र, वेळेवर पाऊस न पडल्याने पिके पूर्णपणे वाळून गेली असून, नागरिक आणि गुराढोरांसाठी पिण्याच्या पाण्याची तीव्र टंचाई निर्माण झाली आहे.
तालुक्यांची संख्या वाढणार
उपमुख्यमंत्री जी. परमेश्वर यांनी सांगितले की, राज्यातील दुष्काळग्रस्त तालुक्यांची संख्या लवकरच १७७ वर पोहोचेल आणि येत्या काही दिवसांत हा आकडा २०० पर्यंतही जाऊ शकतो.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
