मोदींच्या डिनरमध्ये फक्त व्हेज! मंत्री-मुख्यमंत्र्यांचा एकाच बसमधून प्रवास, पाहा खास मेन्यू
नवी दिल्ली : दिल्लीत सुरू असलेल्या ब्रिक्स परिषदेनिमित्त पंतप्रधान नरेंद्र मोदी यांनी जागतिक नेत्यांसाठी एका खास डिनरचं आयोजन केलं होतं. या डिनरचं वैशिष्ट्य म्हणजे यात फक्त आणि फक्त शाकाहारी पदार्थच ठेवण्यात आले होते. भारताच्या पारंपरिक चवी, पौष्टिक भरडधान्यांपासून बनवलेले पदार्थ या मेन्यूमध्ये होते. भारतीय खाद्यसंस्कृतीची विविधता आणि खासियत जगासमोर मांडण्याचा हा एक प्रयत्न होता.
स्टार्टर्समध्ये गुजराती पद्धतीची 'खांडवी मिल फ्यूईल' आणि मशरूमपासून बनवलेली 'खुंब गलौटी' होती. मुख्य जेवणात (मेन कोर्स) उत्तर भारतीय डिश पनीर लबाबदार, हिमालयन मोरेल मशरूम आणि शतावरी (asparagus) वापरून बनवलेली 'गुच्ची मार्मिक', दक्षिण भारतीय पद्धतीची 'कॅरट बीन पोरियल', 'टक्काळी बेल्ले सारू' (डाळ-टोमॅटो सूप), मसाल्यांचा स्वाद असलेला 'मिलेट पुलाव', बीटरूट रायता आणि वेगवेगळ्या प्रकारच्या भारतीय भाकरी/पोळ्या यांचा समावेश होता. गोड पदार्थांमध्ये जुन्या दिल्लीच्या स्टाईलची 'फ्रूट क्रीम आणि जिलेबी' आणि तुती व सोन्याच्या वर्खासह सजवलेली 'शाहतूत फिरनी' पाहुण्यांसाठी तयार करण्यात आली होती. या डिनरसाठी केंद्रीय मंत्री आणि विविध राज्यांच्या मुख्यमंत्र्यांनाही खास आमंत्रण होतं. पण दिल्लीतील वाहतूक कोंडी टाळण्यासाठी आणि सामान्य लोकांना त्रास होऊ नये यासाठी मोठा व्हीआयपी गाड्यांचा ताफा पूर्णपणे टाळण्यात आला. सर्व मुख्यमंत्री आणि केंद्रीय मंत्री एकाच खास बसमधून डिनरच्या ठिकाणी पोहोचले.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
