गुंडेवाडी येथील खून प्रकरणाचा पर्दाफाश; अवघ्या काही तासांत मारेकरी गजाआड, जुन्या वादातून संपवले तरूणाला

गुंडेवाडी येथील खून प्रकरणाचा पर्दाफाश; अवघ्या काही तासांत मारेकरी गजाआड, जुन्या वादातून संपवले तरूणाला

मिरज तालुक्यातील गुंडेवाडी येथे पूर्वद्वेषातून झालेल्या एका खळबळजनक खुनाच्या गुन्ह्याचा मिरज ग्रामीण पोलीस आणि स्थानिक गुन्हे अन्वेषण शाखेच्या  पथकाने अवघ्या काही तासांतच छडा लावला आहे. या प्रकरणी मुख्य आरोपीसह एका विधिसंघर्षग्रस्त बालकाला पोलिसांनी तात्काळ बेड्या ठोकल्या आहेत. सुनील उर्फ सोन्या तानाजी खांडेकर (वय ३१, रा. गुंडेवाडी) असे खून झालेल्या दुर्दैवी तरुणाचे नाव आहे.

​काय आहे नेमकी घटना?

​मिळालेल्या माहितीनुसार, १९ ऑक्टोबर २०२६ रोजी रात्री साडेनऊच्या सुमारास गुंडेवाडी गावातील सातपुते मळा, ग्रीन हाऊसजवळ ही घटना घडली. फिर्यादी पंकज तानाजी खांडेकर यांचा भाऊ मयत सुनील खांडेकर हा जेवण करून बेदवस्ती रोडने आपल्या शेताकडे जात होता. याच दरम्यान पूर्वटोच आणि जुन्या भांडणांच्या कारणातून दबा धरून बसलेल्या अज्ञात हल्लेखोरांनी त्याच्यावर चाकू व कोयत्याने अचानक हल्ला केला. मयताच्या डोक्यात, पोटात, पाठीवर, पायावर आणि कपाळावर गंभीर वार करून त्याचा निर्घृण खून करण्यात आला होता. या प्रकरणी मिरज ग्रामीण पोलीस ठाण्यात भारतीय न्याय संहिता (BNS) कलम १०३ (१), ३(५) नुसार गुन्हा दाखल करण्यात आला होता.

​पोलीस प्रशासनाची तत्परता:

​गुन्ह्याचे गांभीर्य ओळखून पोलीस अधीक्षक तुषार दोशी, अपर पोलीस अधीक्षक कल्पना बारवकर आणि मिरज उपविभागाचे उपविभागीय पोलीस अधिकारी अजय कोकाटे यांनी तात्काळ घटनास्थळी भेट देऊन तपासाबाबत योग्य त्या सक्त सूचना दिल्या होत्या. त्यांच्या मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक संजीवकुमार झाडे आणि मिरज ग्रामीणचे पोलीस निरीक्षक अमित पाटील यांनी तपासासाठी विशेष पथके स्थापन केली.

​खास बातमीदाराकडून मिळवले सुगावा:

​तपासादरम्यान स्थानिक गुन्हे अन्वेषण शाखेच्या पथकातील अंमलदार सुशील मस्के आणि ऋतुराज होळकर यांना खबऱ्यामार्फत अत्यंत महत्त्वाची आणि खात्रीशीर माहिती मिळाली की, सदर गुन्हesतील संशयित आरोपी हा अंकली फाट्यावरून हरिपूरकडे जाणाऱ्या रस्त्यावर येणार आहे. ​या माहितीची खात्री पटताच सहाय्यक पोलीस निरीक्षक प्रशांत निशाणदार यांच्या पथकाने तात्काळ सापळा रचून संशयित आरोपी अनिरुद्ध सिद्धू कांबळे (वय १९, रा. गुंडेवाडी, ता. मिरज) यास शिताफीने ताब्यात घेतले.

पोलिसांच्या चौकशीत बंडा फुटला:

पोलिसांनी खाकीचा हिसका दाखवताच आरोपी अनिरुद्ध कांबळे याने गुन्ह्याची कबुली दिली. मयत सुनील खांडेकर याच्यासोबत त्याचे वारंवार वाद होत असत. याच भांडणांचा आणि पूर्वर्षाचा राग मनात धरून, आरोपीने आपल्या एका विधीसंघर्षग्रस्त बालमित्रानोबत मिळून सुनीलवर पाळत ठेवली आणि तो घरावरून शेताकडे जात असताना चाकू व कोयत्याने वार करून त्याचा घात केला, अशी धक्कादायक माहिती तपासात समोर आली आहे.

​सध्या मुख्य आरोपी अनिरुद्ध कांबळे याला पुढील कायदेशीर व कसून चौकशीसाठी मिरज ग्रामीण पोलीस ठाण्याच्या ताब्यात देण्यात आले असून, प्रकरणाचा पुढील तपास पोलीस निरीक्षक अमित पाटील करत आहेत. पोलिसांच्या या धडाकेबाज आणि तत्पर कारवाईमुळे गुन्हेगारांमध्ये चांगնीच भीती निर्माण झाली असून नागरिकांमधून पोलिसांचे कौतुक होत आहे.

​

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.