महानगरपालिकेकडून सोमवारपासून राष्ट्रीय जंतनाशक कार्यक्रम : दि. २५ एप्रिल २०२२ ते २ मे २०२२ मोहीम: नागरिकांनी लाभ घेणेचे आवाहन
सांगली :- सांगली मिरज आणि कुपवाड शहर महानगरपालिकेकडून सोमवार पासून महापालिका क्षेत्रात राष्ट्रीय जंतनाशक कार्यक्रम हाती घेण्यात आला आहे. रविवार दि. २५ एप्रिल २०२२ ते २ मे २०२२ या दरम्यान जंतनाशक मोहीम हाती घेण्यात आली असून नागरिकांनी याचा लाभ घेणेचे आवाहन महापालिका आयुक्त नितीन कापडणीस यांनी केले आहे.
संस्थास्तरावर शाळा/महाविदयालय मधील ०६ वर्षे ते १९ वर्षांच्या मुलांना शिक्षकांमार्फत दि. २५ एप्रिल २०२२ राष्ट्रीय ते जंतनाशक दिन व दि.२९ एप्रिल २०२२ मॉप-अप दिन रोजी जंतनाशक गोळया खायला देण्यात येणार आहे.
समुदाय स्तरावर आशा / अंगणवाडी सेविका/यांच्या कार्यक्षेत्रामध्ये घरोघर जाऊन शाळेत न जाणा-या १ वर्षे ते १९ वर्षे वयोगटातील मुलांमुलींना दि. २५ एप्रिल २०२२ ते २ मे २०२२ या आठवडयामध्ये जंतनाशक गोळया खायला देण्यात येणार आहे. सांगली मिरज कुपवाड शहर महानगरपालिका कार्यक्षेत्रामध्ये १ वर्षे ते १९ वर्षे वयोगटातील एकुण १२६९९४ मुले व मुलींना जंतनाशक गोळया देण्यात येणार आहे. महानगरपालिका कार्यक्षेत्रात १ वर्षे ते १९ वर्षे वयोगटातील मुले व मुलींनी राष्ट्रीय जंतनाशक मोहिमेचा लाभ घ्यावा असे आवाहन मनपा आयुक्त श्री. नितीन कापडणीस यांनी केले आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
