मिरजेत पाकिस्तानी फॅशन लिहिलेले डिजिटल फाडले
मिरज : शहरातील ब्राह्मणपुरीत एका लेडीज टेलरिंग व फॅशन डिझाईन दुकानात पाकिस्तानी फॅशनचे लेडीज ड्रेस विक्री करण्यात येत असल्याची माहिती मिळताच संतप्त शिवप्रतिष्ठान हिंदुस्थानच्या कार्यकर्त्यांनी दुकानाबाहेर पाकिस्तानी कुर्ते, पाकिस्तानी ड्रेस असे लिहिलेला डिजिटल फलक फाडला. या आंदोलनामुळे काहीकाळ तणाव निर्माण झाला होता. आंदोलनकर्त्यांनी पाकिस्तानी ड्रेस विकणाऱ्या दुकानात घुसून कपडे फाडण्याचा इशाराही यावेळी दिला.
.jpeg)
शिवप्रतिष्ठानचे विनायक माईंनकर यांच्यासह कार्यकर्त्यांनी आंदोलन केले. मिरजेतील ब्राह्मणपुरीमध्ये लेडीज टेलरिंग व फॅशन डिझाईनचे दुकान आहे. या दुकानाबाहेर 'पाकिस्तानी ड्रेस, कुर्ते मिळतील', असा डिजीटल फलक लावण्यात आला होता. याबाबत माहिती मिळताच शिवप्रतिष्ठान हिंदुस्थानचे कार्यकर्ते आक्रमक झाले. कार्यकर्त्यांनी धाव घेतल्यानंतर दुकान बंद असल्याचे निदर्शनास आले. कार्यकर्त्यांनी दुकानाच्या बाहेर असलेला पाकिस्तानी फॅशनचा उल्लेख असलेला डिजिटल फलक फाडला. पाकिस्तानी ड्रेस मटेरियल विक्री बंद करावी, अन्यथा दुकानात घुसून ड्रेस फाडण्याचा इशारा माईंनकर यांनी दिला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
